À¶…À¶­À·Š À·€À·À¶»À·À¶¯À·Šà¶¯ ( Completed ) දාහතරවැනි කොටහා

අද තමයි ට්‍රිප් එකේ අවසාන දවස. ඊයේ උදේ ඉදන් බේබී හාමු මට පුප්ප පුප්ප හිටියත් රෑට නිදා ගන්න කොට නම් සෑහෙන්න මාව ඕනී වුනා. මුලදී මයෙ අත උඩ නිදා ගත්ත බේබී හාමු උදේ නිදන් හිටියේ වෙන කොහෙවත්. නුරාද රෑ නින්දෙන්ද මන්දා මයෙ පපුව උඩ ඔලුවත් තියන් මාව බදා ගෙන කටත් ඇරන් නිදි.

උදෙන්ම කෑම කාලා ලෑස්ති වෙලා අපි ඔක්කොමලම ආවේ යාපනේ මිදි වත්තට. පස්සේ බෝට්ටු වලින් නයින තිව් වලටත් ගිහිල්ලා අවසානේ දඹකොළ පටුනටත් ගිහිල්ල තුන විතර වෙද්දී බස් එකට නැග්ගේ හෙම්බත් වෙලා.  මන් අපි ගත්ත මිදි පෙට්ටිය ෂීට් එක යටට දාලා වාඩි වුනත් හරි මට දැනුනේ පුදුම සනීපයක්.

” මහන්සිද ”

” ම් ටිකක් මහන්සි තමයි බේබී “

” මන් කිව්වා පැටියව වඩා ගෙනම ඉන්නැතුව බිමින් තියන්න කියලා. කොහේද ඉතින් ඔයාගෙත් පණ්ඩිතකමනේ ඉතින්. ”

ඔන්න ඔන්න කියවන්න පටන් ගත්තනේ ඉතින්.

” එහෙම කොහොමද දැක්කේ නැද්ද පයින් යද්දි පැටියාගේ මූණ. ”

” සර් සර් “
මන් එහෙම කියද්දී පිටිපස්සේ හිටිය මනුජ එයාලගේ සර්ට කතා කරත් හරි මාත් පිටි පස්ස බැලුවා.

” සර් ඊයේ අපිට හක් ගෙඩි තුන හතරක් හම්බුනා.  මෙන්න සර්ටත් එකක්. “

අපේ අම්මෝ බේබිගේ මූණ. හොදටම ලැජ්ජා හිතිලද කොහෙදෝ.

” ත් තැන්ක්ස් පු තේ “

” අයියෝ ඕක මොකක්ද සර්. ඊයේ සර් කඩාගෙන බිදගෙන දිව්වනේ ඉතින් “

හිනා වෙලා කිව්ව ඒ ළමයට එයාලගේ සරුත් චූටි හිනාවක් දීලා ජනේලේ පැත්ත බැලුවේ මට නම් එකදු බැල්මක් වත් නොදී. මන් හිතන්නේ ඊයේ සිද්දිය ආයේ මතක් වෙලා.

“  චූටි තාත්ති “

වාහනේ වලව්ව ඇතුළට දාපු ගමන්ම දෙව්මි ඇතුළේ ඉදලා අපි ගාවටම දුවන් ඇවිල්ලා වාහනේ දොර අරින්නත් කලින් දොරේ එල්ලුනේ චූටි තාත්ති කියා ගෙනම. ඒත් එක්කම කමනි නැන්දයි සෝමේ මාමායිත් එක්කලම නිර්මලුත් එළියට ආවේ දෙනුවනුත් එයාලයේ පිටි පස්සෙන් එද්දී.

” දෙයියනේ චූටි තාත්ති මේ පෙට්ටි දෙකේම තියෙන ඔක්කොම මටද. ඔයාට නම් මන් ගොඩක් ආදරෙයි චූටි තාත්ති ඇත්තමයි ”

” පෙට්ටි දෙකම ඔයාට තමයි බබා. අයියටයි නිර්මාල් අයියටයිත් දීලා කන්න. “

” à·„à·‘…. à·„à·Š ම් හ්ම්. ”

දෙව්මි නම් බලන් යද්දි පුදුම පෙරේතියක් නේ. ඒවුනාට ඉන්නේ හරිම වැදගත් සංවර කෙල්ලක් වගේ.

මන් ආපු ගමන්ම මයෙ ඇදුම් ටිකත් අරන් කෙලින්ම ගියේ ළිදට ඇග හෝදන්න කියලා. මේ සීතලේ නෑවොත් හෙට නැගිට ගන්න බැරි විදිහට උණ ගැනෙයි මට .

“  පිටේ කුණු අතුල්ලන්නද ම් “

මන් ගැස්සිලා පිටිපස්ස බලද්දී බේබී හාමුත් ඉන්නවා ඇදුම් ටිකත් අතින් අල්ලන්.
මන් හා කිව්වට පස්සේ කොහු ලෙල්ල අරන් බේබී මයෙ පිට ඇතිල්ලුවේ මයෙ හමත් එක්කලාම ලෙලි යන්නම.

” මයෙ බේබී හාමු “

මන් අනිත් පැත්තට හැරිලා එයාගේ අතින් ඒ කොහු ලෙල්ල අයින් කරලා ඒ අත් දෙක මන් අල්ල ගත්තේ එයාත් හරි කලබලෙන් මන් දිහා බලද්දී.

” ඊයේ ඔයාගේ පන්තියේ ළමයි ඉස්සරහ මන් හැසිරිච්ච විදිහ නරකයි. ම් මට අමතක වුනා එතැන ළමයි ඉන්නවා කියලා.  ඉතින් මේ ගැත්තාට අනුකම්පා කරලා උම්මියකුත් දීලා සමාව දෙනවද මයෙ ආදර බර නිලූෂගේම බේබී හාමු ”

මන් මයෙ කන් දෙකත් අතින් අල්ලන් එයාගේ මූණට ළං වෙලා එහෙම කියද්දී හිනාව කා ගෙන හිටපු බේබී හාමුට හිනාවක් ගියේ මටත් මන් ගැනම හිතිලා හිනාවක් යද්දි. මට‍ මේ පිරිමි ආත්මය ඉනාවක් කවලද කොහෙදෝ මෙච්චරටම ඇබ්බැහි වෙන්න තරමට.

” මෝඩයා… මන් එපැයි ළමයි ඉස්සරහ ගිහින් උගන්නන්න. මට‍ ඊයේ නිකන් මොකක්දෝ වෙලා ගියා වගේ හලෝ… ”

එහෙම කිව්ව බේබී හාමු මයෙ කම්මුලටත් උම්මෙක් දීලා ඉක්මනට ඉක්මනට බාල්දි තුන හතරක් ඇගේ හලා ගත්තා .

කමනි නැන්දා බෙදලා දීපු බත් එක කුස්සියේ ඉදලම ගිලගෙන ගිලගෙන ගියපු මන් මයෙ කාමරේට දුවන් ගියේ මේ වෙලාවේදී එයා නැතුවනම් මට කොහොමට වත් ඉන්න බැරි නිසා.

අද දවසේ මයෙ ආදරණීය ඇදව දැකපු ගමන් ලයිටුත් නිවලා ඇදට පැන්නේ මන් කමිසෙත් ගලවලා විහික් කරලා. කොහොමත් පැටියයි හාමුයි දැන් නම් හොදට නිදි ඇති.

            ………………………….

” කොල්ලෝ උබ අද එනවැයි තේ වත්තට “
මන් එළියට යද්දි මට‍ හම්බුනේ අපිත් එක්කලා වැඩ කරන මාමා කෙනෙක්.

” ඔව් මාමේ මන් සෝමේ මාමාත් එක්කලාම එන්නම්කෝ කෑම ටිකක් කාලා “

” හරි පුතේ මන් ගොහින් වැඩ ඩිංගිත්ත කරන්ටම්කො උබැහෙලා එනකම් “

මන් ඇතුළට යද්දී කමනි නැන්දා කෑම ලෑස්ති කර කර හිටියේ ලොකු මැණිකෙත් ඒ හරියෙම ඉද්දී.

” ඈ කමනියෝ සෝමේ ඊයේ අර ගුණද්දුපාලයත් එක්ක රණ්ඩුවක් වුණයි කියලා ආරංචියක් ආවා නොවැ “

” අනේ ලොකු මැණිකේ ගුණද්දුපාලගේ ලොකු කොල්ලා මහා නොසන්ඩාලයා නොවැ. ඕකා ඉන්නේ මේ අපෙ කොල්ලගේ පන්තියේම තමයි.  අපේ එකා පෙරේදා හවස ගුණයාගේ කඩේට යද්දි ඉදලා තියෙන්නේ ලොකු කොල්ලා. මේකා ඉතින් අපේ කොල්ලට කටකැඩිච්ච කතා වගයක් දෙසලා නේ. අපේ එකත් නිකම් ඉදලා නෑ රණ්ඩුවටම ගිහිල්ලනේ ඒකා එක්කලාම . ඒකෙන් ලොකු එකාට ටිකක් තුවාල වෙලා නිසා තමයි ගුණද්දුපාල අපෙ මහත්තයා එක්කලා රණ්ඩුවට ආවේ “

” අපෙ අප්පෝ මුන්ගේ රණ්ඩුවිලි නම් “

” ඒකනේ ලොකු මැණිකේ “

මන් මේසෙට යද්දි ලොකු මැණිකෙගෙයි කමනි නැන්දගෙයි කතාවට කන් දීගෙන හිටියේ මට නිර්මාල් ගැනත් ඇහුනු නිසා.  පේන තරම් අහිංසක කොල්ලෙකුත් නෙවෙයි එහෙනම් මේකා.

“  කොල්ලෝ ඇයි අඹ මාලුව කන්නෑ “

” මයෙ බඩ දනවා නේ නැන්දේ. නැත්තන් මන් කනවා ඔව්වා “

” ආ එහෙනම් පුතාට එව්වා හොද නෑ. මුං ඇට ටිකක් තව දාගෙන කාහන් බන්. ඒවා හොදයි බඩේ දැවිල්ලට ”

මන් කකා කකා ඉද්දී සෝමේ මාමායි වත්තේ වැඩ කරන තව මාමලා තුන් දෙනෙකුයි ඇවිල්ලා බත් බෙදා ගෙන කන්න ගත්තේ කමනි නැන්දගේ කෑම වල ගුණ කිය කිය.

” කොල්ලෝ උබ අතන ඉදන් ඉහින්න පටන් ගනින්. මන් මේ ටික මෙතැන ඉදන් ඉහාගෙන එන්නම් “

මන් තව කොල්ලෙකුට තේ වත්තේ එහා කොනේ පේලියක් පෙන්නලා කියද්දී මන් මෙහා කොනේ ඉදන් කොළ වලට බෙහෙත් වක් කරන්න පටන් ගත්තා. මේ වැඩ ටික නම් අද දවසින් නම් ඉවර කර ගන්ඩ බැරි වෙයි.  ලොකු හාමු නම් තාම වත්තට ආවේ නෑ. සෝමේ මාමා නම් කිව්වේ අද වෙන කොටහක් බලන්න ගිගින් ඇති කියලා.  ගොඩක් නුවර අය නම් කියන්නේ මේ වීරන්කෙඩුව වලව්වේ තේ කොළ හොදයි කියලා. අක්කර ගානක් ඈතට විහිදිලා තියෙන මේ තේ වත්ත ලොකු හාමු කොටස් හතකට වෙන් කරලා ඒවා හත් දෙනෙකුට බලා ගන්න කියලා පවරලා තියෙන්නේ. නුග ගහ ළග ඉදන් අක්කර පහළවක්‌ම තියෙන මේ කොටහා සෝමේ මාමට තමයි බලා ගන්න කියලා තියෙන්නේ. මේ තේ කොළ වලට ඉහින බෙහෙත් වල වට්ටෝරුවත් ලොකු හාමුගේ සීයාලු හදලා තියෙන්නේ. ඇත්තටම මේ තේ කොළ වලට නම් රෝග හැදෙන්නැති තරම්. හරි නිරෝගී.

” ඒයී නිලුවෝ වරෙන් තේ බොන්ඩ “

” හරි බම්. මන් මේක තියෙලා එන්නම්.

හැමෝම තේ බොන්න නුග ගහ යටට යද්දි මාත් ඒ දිහාවට ගියේ දොල පාරෙන්ම අතපයත් ටිකක් හෝදගෙනමයි.

” කොලුවෝ මේ කුරහන් ගුලි ටික මේ කොළ වලට බෙදහන්කෝ වතුර ටික පැහෙනකම් ”

සෝමේ මාමා සුනිල්ට ලොකු කැන්ද කොළ ටික පෙන්නලා කියද්දී සුනිල් කුරහන් ගුලි ටික බෙදන්න ගත්තා. කිරි හොද්දයි කුරහන් ගුලියි අද තේ වෙලාවට ලොකු හාමු එවලා තියෙන්නේ.

හවස හයත් කිට්ටු වුනා වැඩ ටික කරලා වලව්වට එද්දී.  මන් කඩුල්ලත් පැනලා වලව්වට යද්දි ලොකු බේබී නුරාද එක්කලා හිටියත් මන් එතැනින් යන්න යද්දි ලොකු බේබී මට කතා කරපු නිසා මන් ඒ දිහාවට යන්න ගියා.

” ල් ලොකු බේ බි ඇයි කතා කරේ “

මන් ළගට ගියත් ලොකු බේබී මයෙ දිහාම බලන් හිටිය නිසා මන් එහෙම ඇහුවත් හරි ලොකු බේබී ටිකක් කලබල වුනාද මන්දා .

” ම් නිලූෂ මන් මෙහෙම ඇහුවට මොකුත් හිතන්න නම් එපා. මන් ඔයා ගැන දන්නැති නිසයි අහන්නේ හොදද “

බයිසිකලේ පැද පැද හිටපු නුරාද දිහාටත් බැල්මක් දීලා බේබී මට එහෙම කිව්වේ මයෙ යට ඉදන් උඩට වෙනකම් ආයෙත් බැල්මක් දාලා.

” ඕනී දෙයක් අහන්න බේබී “

” පොඩි කාලේ ඉදන් හිටියේ  ########ඒ අනාත නිවසේද. මන් මේ කියන්නේ ඉපදුනු දවසේ ඉ ද ලා… ”

ලොකු බේබිගේ ඒ වචන හරි අමුතුයි. මට නම් මේ ලොකු බේබිගේ හැසිරීම එයා වලව්වට ආපු දවසේ ඉදලා තේරුනත් මන් ඒ ගැන වැඩි උනන්දුවක් නොදැක්වූයෙ ඇත්තටම මට‍ ඒ දේවල් වලින් වැඩක් නැති නිසා.

” ඔව් බේබී මතක තියෙන කාලේ ඉදන්ම මන් ඒ ########### නිවාසේ තමයි හිටියේ “

” ඒකෙ හිටියද සිරියාල් කියලා ටිකක් වයසක වැඩ කරන මනුස්සයෙක් එහෙම “

” ම් මන් නමනම් දන්නෑ. හැබැයි මන් පහ වසර වගේ ඉන්නකොටනම් වැඩ කරපු සීයා කෙනෙක් නැති වුනා කියලා අලුතින් ආපු ලොකු මැඩම් කිව්වා වගේ මතකයි මට නම් ”

” එහෙමද… හරි නිලූෂ ඔයා ගිහිල්ල වැඩක් කර ගන්නකො එහෙනම් “

” ඇයි බේබී එහෙම ඇහුවේ “

” ආ නෑ මේ සිරියාල් අපි ටිකක් අදුරනවා. අපි කිව්වට මයෙ නෝනා තමයි ඉතින් අදුරන්නේ. මන් ඒකයි මේ ඇහැව්වේ “

” හරි බේබී “

එහෙම කියලා මන් එතනින් එන්න ආවත් මට‍ බේබී ඒ කියපු කතා වල ටිකක් අමුත්තක් දැනුනා.

මන් කාමරේ දොරත් ඇරන් ඇතුළට යද්දි පොඩි බේබී මයෙ ඇදේ හොදට දපනේ දාලා නිදි. බාගෙට ලිහිලා තිබ්බ සරම් කොටෙ නිසා පස්සෙන් භාගයක්ම එළියේ. මන් මයෙ ෂීට් එකත් බේබී හාමුට පොරවලා ඇදුම් ටිකත් අරන් ළිදට ගියේ නා ගන්න. මෙහෙම හවස් වෙලා හැමදාම නා ගත්තොත් නම් විසි පහ පනින්නත් කලින් මයෙ කෙස් ගස් ටිකත් ඉදිලා තියෙයි හොද හැටියට .

.
.
.
.
.
.
.
.
.
.
.
.
.
.
.
.
.
.
.
.
.
.
.

මේ මනුස්සයට පොඩ්ඩක් යනවයි කියලා කාමරේට ඇවිල්ලා කියලා යන්න බැරි හැටියක්.  අනේ මෙයාගේ මේ බොරු ආදරේ. මන් නැගිටිද්දී අද දහයත් පහු වෙලා. මන් ඒත් හිතුවා නිලූෂ මයෙ ඇදේ මන් නැගිටිනකොට නිදා ගෙනවත් ඇතියි කියලා. බලන් යනකොට රෑ දෙගොඩ හරියෙවත් මේකා ඇවිල්ලා නෑ නේ.

මන් නැගිටලා යද්දි මයෙ පැටියත් ඉන්නවා කමනි නැන්දා එක්කලා කොස් මදුලු ගලව ගලව. ගලවනවට වඩා කරන්නේ කන එකද කොහෙදෝ. මන් යද්දිත් කොස් මදුල්ලක් කටේ දා ගත්තු නුරාද දුවගෙන දුවගෙන ඇවිත් මයෙ ඇගට පැන්නේ මාත් පොඩ්ඩක් පිටිපස්සට විහික්කා වෙද්දී. ඊලග සතියට කොල්ලට අවුරුදු හතරයි. මයෙ කොල්ලා හැබැයි ඒ වයසේ අනිත් ළමයින්ට වඩා ටිකක් පොඩි වගේ වුනාට හරි දගයා.

” මන් එපා කිව්වට ඇහුවේ නෑ බේබී කොහොල්ලෑ වත් ඇති ඕන් අත් දෙකේ. “

” ඒකට කමක් නෑ නැන්දේ. මන් අත් දෙකට පොල් තෙල් ටිකක් ගන්නම්කො “

එහෙම කිව්ව මන් කොල්ලවත් බංකුවෙන් වාඩි කරවලා පොල් තෙල් ටිකක් අතේ ගාවලා කොහොල්ලෑව අයින් කරන්න ගත්තා.

” නැන්දේ කෝ නිලූෂ “

” ඕන් කාලා ඉවර වෙලා තේ වත්තට ගියා නේ. අද බෙහෙත් ගහන්න තියෙනවනේ පොඩි බේබී “

ඒක තමයි එහෙනම් නිලූෂ පේන්නවත් නැත්තේ. කමක් නෑ කොහොමත් හතර වෙනකොට වත් වලව්වට එනවනේ.
මන් පුතාවත් අරගෙන එළියට යද්දි අපේ අම්මා දෙව්මිගේ ඔලුව බලනවා. අපේ අම්මේ මෙලහකට කෙල්ලගේ ඔලුවේ තඩියෝ වහලා ඇති අම්බානෙට .

” ඔය කොන්ඩේ ටික කපලා දාන්න බබා එතකොට තඩියෝ නෑනේ “

” පිස්සුද චූටි තාත්ති කොන්ඩේ කපන්න. හරි අමාරුවෙන් මන් පස්ස ළගට වෙනකම් හරි කොන්ඩේ දික් කර ගත්තේ. අනික මයෙ තඩියෝ නෑ අප්පා. මේ ආච්චිඅම්මි නිකන් බලන්නේ “

මිදි ගෙඩි ටිකක් කටේ දා ගත්ත කෙල්ල එහෙම කියලා ආයේ අම්මගේ ඔක්කෙන් ඔලුව තියා ගත්තා. ඊයේ පුළුවන් තරම් මිදි ගිලපු මයෙ පැටියාට අද මිදි ගෙඩියක් අතට දුන්නත් ගානක් නෑ කන්න.

” පුතා අයියට කියාපන්කෝ ඕන් කොළඹින් ලිව්මක් ඇවිල්ලා කියලා. මන් හිතන්නේ දුව වෙන්නැති “

මහා ගෙදරටම වෙලා ඉන්නැතුව ඕපේ හොයන්න වෙන්නැති ඔය ලිව්ම් එවලා තියෙන්නේ.

” ඒ මොකටද ආච්චි අම්මි අපේ අම්මි ලිව්ම් එවන්නේ. එයාට නිදහසේ ඉන්න ඕනී කිව්ව නිසානේ ග්රෑන්ඩ් පාගේ ගෙදර ගියේ “

” මන් දන්නවද කෙල්ලේ එකී ලිව්ම් එව්ව හේතුවක්.  උබලගේ අප්පච්චිගෙන්ම අහලා බලහන් කෙල්ලේ. ඊට පස්සේ මටත් කාරණාව කියහන්කෝ “

” මන් අප්පච්චිගෙන් අහලා බලන්නම්කෝ ආච්චි අම්මි “

අපේ අම්මත් බලන් යද්දී ඕප දූප මල්ලක්නේ. අම්මටත් කියාපු මිණිබිරි තමයි මේ ඇච්චිත්.
දෙනුවන් නම් ඉස්කෝලේ යන්නැති. ඒකා  ස්කෝලේට දැම්මත් හරි හරිම උනන්දුවෙන් තමයි ඉස්කෝලේ යන්නේ.

“  මැණිකේ කෝ මේ ගුණේ. මට‍ ටිකකට හන්දියට යන්ට ඕනෑ “

” ඉස්සල්ලානම් වාහනේ හෝද හෝද හිටියා ඕන්. දැන් කොහේ මකබෑවිලාද දන්නෑ මහත්තයා “

අප්පච්චි තේ වත්තට ගිහිල්ලා ඇවිල්ලද කොහෙදෝ. මූණේන් එකයි දාඩිය.
මන් පැටියා එක්කලා ටිකක් එළියට වෙලා ඉදලා දෙව්මිත් අපේ ළගට ඇවිල්ලා නුරාදත් එක්කලා සෙල්ලම් කරද්දී මන් ආවේ ඇතුළට බත් ටිකක් ගිලින්න.  මේ වෙලාවට නම් නිලූෂලා තේ බොනවා ඇති.  බත් කාපු මන් මයෙ මැටි කෝප්පෙටම අඹ මාලුවෙන් හැදි දෙක තුනක්ම දා ගෙන ස්තෝපපුවට ගිහිල්ලා බිමින් පස්සත් තියන් ඒකත් කන්න පටන් ගත්තා. කොච්චි හොදට මිරිස් ගලේ අඹරලාම දාලද කොහෙදෝ හරි සැරයි. මන් සැර කන්න අකමැති වුනත් මේක විහික්කා කරන්න හිතෙන්නෑ ඒ තරමටම රසයි.

” අපෙ අම්මේ පොඩි බේබී ඔහොම අඹ පිගානක්ම කෑවොත් නම් බඩේ දැවිල්ලත් අල්ලයි. මන් සව් කැද ටිකක් හරි හදලා දෙන්නම්කෝ ඕක කාලා ඉවර වෙලා බොන්ට ”

මයෙ පිගානේ දැකලා කම්මුලට අතකුත් තියන් කමනි නැන්දා එහෙම කියද්දී මන් දුබුරු පාටට හොදි බේරෙන තව අඹ කෑල්ලකුත් කටේ ඔබන් කමනි නැන්දට හිනාවක් දුන්නා.

” ඒක නම් ලොකු දෙයක් නැන්දේ. කාලෙකින් බිව්වෙත් නෑ ඇග නිවෙන්න හරි. ”

” මන් එහෙනම් හදලා තියන්නම්කො බේබී. ආං අපෙ මහත්තයා තැඹිලි වල්ලකුත් අද රත් ගහෙන් කැඩුවා. කපලා ගෙඩියක් උගුරට දා ගත්තා නම්. “

එහෙම කියලා කමනි නැන්දා කුස්සියේ පැත්තට යද්දි මන් ආයේ අඹ කෑලි ටිකක් කන්න ගත්තා. මුළු වලව්වටම තැඹිලි ගස් දහයක් විතර තියෙද්දී එක ගහක විතරයි රන් තැඹිලි හැදෙන්නේ. ඒකට ඉතින් කට්ටියම කියන්නේ රත් ගහ කියලා. අපේ සීයා තමයි ඉතින් ඕක හිටවලා තියෙන්නේ .

හවස හතරත් පහුවෙලා තාම නෑ මේ නිලූෂ. පොඩ්ඩා දෙව්මි එක්කලා විස්කෝතු කකා කාටුන් බලනවා කිරි කෝප්පෙකුත් බිබී.  මාත් කම්මැලි නිසා නිලූෂගේ කාමරේට ගිහිල්ලා ඒ ඇදෙන් ඉද ගත්තේ එයාගේ ඒ කොට්ටෙකුත් බදා ගෙන. නිලූෂ ගේ කාමරේ පොඩි වුනත් හරි ලස්සනට එයා පිරිසිදුව තියන් ඉන්නවා. හරිම පිළිවෙලයි. එයාගේ හෝදපු ඇදුම් එකින් එක කබඩ් එකේ අහුරලා හදුන් දර කෑලි ඇදුම් අස්සට දාලා ඒ ඇදුම් වලිනුත් හදුන් සුවද එද්දී. පුංචි මේසේ උඩ එයාගේ ලී පනාවයි මන් එයාට දුන්නු විලවුන් බෝතලෙයි අපේ පැටියාගේ ලොකු ක්‍රීම් බෝතලෙයි කොලෝන් බෝතලෙයි එක පැත්තක තියෙද්දී අනිත් පැත්තේ පැටියාගේ සෙල්ලම් බඩු දෙක තුනක් තිබ්බා. 

මේ බැහැපු කොහු මෙට්ටේ නිලූෂ කොහොම ඉන්නවද මන්දා. ඉදගෙනම ඉදලා මයෙ පස්සත් රිදුන නිසා එයාගේ කෝට්ටේ උඩින් මන් ඔලුව තියන් හිටියේ මන් ලොකු කල්පනාවකට වැටෙද්දී.

ඇත්තටම පෙරේදා උදේ එයාගේ ඒ පිස්සු වැඩේ මතක් වෙලා මයෙ ඇග දිගේම කරන්ටෙක දුවනවා වගේ තාමත්. සෑහෙන්න වෙනස් ඒ හැගීම. මන් නොහිතපු වෙලාවක එයාගෙන් ඒ මට ලැබුණු සිපුම නිසා එදා දවසෙම මයෙ තොල් ඉදිමිලා තිබ්බේ. අර එදා බීපු දවසේ මයෙ තොල් ඒ ඇගිලි වලින්ම මිරික මිරික ඉදලා එදත් තුවාල වෙලා තිබ්බා. ඒකත් මන් දන්නේ එදා ලැජ්ජාවන් ලැජ්ජාවෙන් එයා කියපු නිසයි . මන් හිතන්නේ මයෙ පංතියේ කොල්ලෝ ටිකත් දන්නවා ඇති දැන් අපි ගැන. අයි අයියෝ මොනා කරන්නද ඉතින්.

       😴😴😴😴😴😴😴😴😴

” දැන් වත් නැගිටිනවද මයෙ බේබී හාමු ම් “

” ම් “

” ම් නෙවෙයි නැගිටින්න ආ කොෆි එක. කමනි නැන්දට කියලා මන් හදා ගත්තා “

මට හීනෙනුත් මයෙ නිලූෂගේ කටහඩ ඇහෙනවා. ඒත් එක්කම මයෙ ඔලුව කවුරු හරි අත ගානවා දැනුනු නිසා ලාවට ඇස් ඇරියත් මන් දැක්කේ නිලූෂ. ඒත් එක්කම වගේ මගෙ නහයට ආවේ කොෆි සුවද.

” නැගිට්ටද ආ.. ”

මන් ඇස් ඇරලා බැලුවත් හරි නැගිට්ටද කියලා අහපු එයා මට හරි ලස්සන හිනාවක් දුන්නා.

” මොනාද බොන්නේ කෝ මට “

මන් දිහා බලන් හිටපු එයා මේසේ උඩ තිබ්බ මයෙ කෝප්පේ මයෙ අතට දීලා මගෙ හිස් මුදුනට හාදුවක් දීලා එයාගේ කොෆී එක බොන්න පටන් ගත්තා.

” අද හොදටම පරක්කුයි නේ “

” එහෙම තමයි වැඩ කරලා ඉවර වෙද්දී “

” ඇයි උදේවත් යද්දි කියලා ගියේ නැත්තේ ආ “

” මන් දෙපාරක් විතර කාමරේට එන්න හැදුවේ. ඒත් ලොකු බේබී හිටිය නිසා ආවේ නෑ. මට පරක්කුත් වෙන නිසා මන් ඉතින් වත්තට ගියා හාමු “

එහෙම කිව්ව එයා මේසේ උඩින් කෝප්පේ තියෙලා කබඩ් එක ඇරලා ලා කහ පාට අත් දිග කමිසයක් දා ගත්තේ ඒකෙන් හදුන් සුවද මෙතැන්ට එද්දී.

” නිලූෂ “

” ම් ”

බොත්තම් දදා හිටපු නිලූෂට මන් කතා කරත් හරි එයා ම් කියාගෙන මයෙ ළගට ඇවිල්ලා නතර වුනේ මාත් කෝප්පේ ඇද යටින් තියෙලා එයාගේ ඒ නහර පෑදුනු බොත්තම් දදා හිටපු එයාගේ එක අතක් අල්ල ගනිද්දී.

” මොකෝ ම් ”

මයෙ මූණට නැඹුරු වුණු එයා හරි හෙමීට මොකෝ කියලා අහලා ඊලග තප්පරේදී එයාගේ අනිත් අතට මයෙ ඉන තද වෙද්දී මට‍ කියා ගන්න ඕනී දේ කියා ගන්න බැරි වෙනකොට මන් මයෙ මූණ ඒ බෙල්ලේ ඔබා ගත්තා. ඉතින් මයෙ නිලූෂට මයෙ හිත හරි ලස්සනට කියවන්න පුළුවන් වුනා. එහෙන්ම මාව උස්සලා ගත්ත නිලූෂ එයාගේ ඇද මෙට්ටේට බර වුනේ මන් තව තවත් ඒ දේහ දාරි ශරීරයට තදින් එතෙද්දි.

අවුරුදු විස්සකට කලින් අතීතයේ එක් දවසක්…

අදට මයෙ මහත්තයා ඕස්ටේලියාවේ ගිහිල්ලා මාස පහකටත් කිට්ටුයි. මාස හතරකට විතර කලින් මට දරුවෙක් හම්බෙන්න කියලා අම්මියි අප්පච්චියී දැන ගත්තා. ඒකත් මට හදිස්සියේම අසනීප වුණු නිසා. මට‍ එදා අප්පච්චි මාව ගෙදරින් පන්නලා දැම්මේ නැති එක විතරයි නොකළේ.

තව මාස හතරකින් විතර මයෙ මහත්තයා ලංකාවට එනවා කියලා ලිව්මෙනුත් ලියල එවලා තිබ්බා . දෙයියනේ මට ළමයෙක් හම්බෙලා කියලා එයා දැන ගත්තොත් එතකොට එයා මට මොනා කරයිද. මම හොදටම දන්නවා මේ ළමයා මයෙ මහත්තයාගේ නෙවෙයි කියලා.
මේ මාසෙට මයෙ බඩට මාස නවයකටත් කිට්ටුයි.  උබට හොදක් වෙන්නෑ එදා මට ඒ කරපු අපරාදෙට විරාජ් අහස්‍ය මන්මේන්ද්‍රන්.  අනිකා උබේම යාලුවා දිනුල .  මන් තොපි දෙන්නටම වැහි නැති හෙන පොකුරු ඉල්ලන්නෑ. හැබැයි උබලා විදවයි.

( අනේ මට පොඩි වැරැද්දක් වුනා 🙏 විරාජ් ගේ යාළුවගේ නම දිනුල හොදද.. දුලාන් නෙවෙයි )

මේ වෙනකුනුත් අප්පච්චි මයෙ මූණක් වත් බලලා කතා කරන්නෑ. මන් මේ දවස් ටිකේම අම්මි එක්කලා හොස්පිටල් ගියත් කන්නවත් ආස හිතෙන දෙයක් කවුරුත් අහලා බලලා අරන් දෙන්නේ වත් නෑ මන්ම කොහෙන් හරි හොයාගෙන ගත්තොත් මිසක්.

කාගේ ළමයෙක් වුනත් මයෙ කුස තුළ පණ ගහන මේ පැටියට මන් හරි ආදරෙයි සෑහෙන්න.

” ලෝරා ආං අක්කි ආවා දැන්.  බබා පහළට එන්න එහෙනම් මන් යනවා. “

” හරි අම්මි මන් එන්නම් “

මගේම නිවුන් සහෝදරි ලෝරා ශිසේදී අබේවික්‍රම. මයෙ නමත් එයාගේ නම වගේමයි හැබැයි එක අකුරකින් වෙනස්. ලෝරා ශිෂේදී අබේවික්‍රම මයෙ නම. මයෙ මහත්තයවත් දන්නැතු ඇති මට නිවුන් සහෝදරියක් ඉන්නවා කියලා. එයා මේ වෙනකම් හිටියේ අම්මිගේ නංගි එක්ක කැනඩා වල. දැන් නම් උපාදියත් ඉවර කරලා මේ ලංකාවට එන්නේ.

” න් නංගි ඔ ඔයා ඔහො ම.  මා ම් මොකද මේ “

” අක්කි ම් මේ “

” ඔන්න පොඩිගේ කෙරුවාව පේනවනේ ලොකු. බලන්න දැන් අපි අර පවුලට කොහොමද මූණ දෙන්නේ. මේකි අපිවම කන්න ඉපදිච්චි එකියක්”

” ඩෑඩ් ”

අක්කි තාමත් හිතා ගන්න බැරුව අපි දිහා බලන් හිටියේ මන් එතැනම තිබ්බ පුටුවකින් හරි පරිස්සමට ඉද ගද්දි.
මට හරි බයයි හදිස්සියෙවත් මන් නැති වුනොත් මයෙ පැටියා තනිවෙයි කියලා.

( ළමයි කතාවේ පොඩි තැනක් වෙනස් වුනා… සමාවෙන්න ඒකට 🙏🙏        

විරාජ් ගේ කැම්පස් එකේ හිටපු යාලුවා දුලාන් නෙවෙයි හොදද දිනුල.  මන් මේකේ ආයේ හරි ගැස්සුවේ ඒක හොදද )

           ❤️❤️❤️❤️❤️❤️❤️❤️❤️

ගිහිල්ල එන්නම් යාලූලා

බුදුසරණයි හැමෝටම 🙏🙏

වෝට් කරන කමෙන්ට් කරන යාලූලාට ගොඩක් ගොඩක් ස්තුතියි 🙏💞💞💞

     ………………………………………….