À¶…À¶­À·Š À·€À·À¶»À·À¶¯À·Šà¶¯ ( Completed ) දෙවැනි කොටහා

මෙතුවක් කල් මේ අනාත නිවාසේ මගේ ගෙදර වෙච්චි කොට මේ පැය කීපය විතරයි මට දැන් මෙහෙ ඉන්න ඉතුරු වෙලා තියෙන්නේ.
එක පැත්තකින් ලොකුම ලොකු දුකක් වගේම මගේම ජිවිතයක් තනියම පටන් ගන්න නිසා හීනි සතුටකුත් නැතුවාම නොවේ.

අද මට මැඩම් කිව්වා නුවර වලව්වේම නැවතිලා වැඩ කරන්න පුළුවන් කියලා. අද හවස තියෙන කෝච්චියේ නුවරට යනකොට රෑ හත්වත් වෙනවලු. මාව වලව්වට එක්ක යන්නත් එහෙන් එක්කෙනෙක් එවන්නම් කිව්වා.

” සුදායියේ සුදායියේ එන්නෝ මාත් එත්ත “ 

ඊයේ කොන්ඩේ කපපු චූටියා ඉක්මනින් උඩ තට්ටුවට ඇදන් ගිහිල්ල එක කාමරයකට තල්ලු කරත් හරි දැක්ක දෙයින් මන් පුදුම වුනා.

මගේ කාමරේ මල්ලිලා තුන් දෙනයි චුටියායි චූටිගේ යාලුවෙකුයි       පුංචි චොකලට් කේක් එකකුයි බීම බෝතලේකුයි මේසෙයක් උඩ තියන් මන් එනකම් බලන් ඉන්නවා. මගේ චූටි මල්ලිලා ටික.  අනේ එයාලට පුළු පුළුවන් විදිහට මට පාටියක් හරි ගස්සලා. කදුළු කැට එක දෙක පල්ලම් බහිද්දී මන් මන් චුටියෝ ඔක්කොම බදා ගත්තා.

” අයි අයියෝ ලොකු අයියෙක් නේද දැන්.. ඔහොම නම් බෑ හොදේ.. ආ ආ කේක් කපලා අපිටත් කවන්නෝ…. කේක් බඩගිනි……. ”

අටේ පන්තියේ මල්ලි එහෙම කියද්දී චූටිගේ යාලුවා පිහියක් දුන්නා.

” අයියේ ඔයාට හොද ලස්සන අක්කියෙක්‌ හම්බෙන්න ඕනී. “

” හැමදාම සතුටින් හිනා වෙලා ඉන්න හොදේ ”

” බය නැති චන්ඩි කොල්ලෙක් වෙන්න අයියේ ”

” මට පාලු…..යි සුදායියා ගියාම. ඉත්මනත එන්ත ”

කේක් කවද්දී එක එක එව්වා පොඩි එවුන් කිව්වා.

” ඔයාලා හැමෝම හොදට පාඩම් වැඩ කරන්න.  මැඩම් කියන දේ හොදට අහන්න. අයියා ඉක්මනින් ඔයාලව බලන්න එන්නම්කෝ ”

අපි චොකලට් කේක් එක කාලා බීමත් බිව්වා. ඇත්තටම මේ පොඩි උන් නිසා තනිකමක් පාළුවක් නොදැනෙන තරම්.

හවස් වෙද්දී මැඩම් මාව කෝච්චියට දාන්න මාත් එක්ක ස්ටේෂමට ආවා.

” සත්සිදු ස්ටේෂන් එකටම වෙලා ඉන්න. වලව්වෙන් පුතාව ගෙනියන්න අන්කල් කෙනෙක් එයි. ආ මේක ගන්න “ 

පාර්සලයක් මගේ අතට මැඩම් දීලා කියද්දී මන් මැඩම්ව බදා ගත්තා. එයා හරියට අපි හැමෝගෙම අම්මා වගේ. කොහොමත් එයා තමයි අපේ අම්මා.

” පුතේ අපිව බලන්න එන්න ආයේ ”

එහෙම කිව්ව මැඩම්ට දණ ගහලා වැදලා කෝච්චියට නැග්ගා. කෝච්චිය හෙමින් හෙමින් අද්දද්දී මැඩම් ටික ටික නොපෙනී ගියා. ඉස්සරහට මොනවගේ වෙයිද කියන කුතුහලය එක්කම මන් අතීතයට කිමිදුනා.

අතීතේ එක් දවසක්

” නිලූෂයෝ වරෙන් ඕයී ඉක්මනට ”

විහංගනට පුදුම උණක් තියෙන්නේ අයිස් කන්න. මට නිදහසේ………….. මේ මාළු පැටවුන්ට පොරි ටිකක් දාන්න දෙන්නැති හැටියක්.

ඕලෙවල් ඉවර නිසා අපි ඉස්කෝලෙන් ට්‍රිප් එකක් ආවා නුවර.  මාලිගාවට ගිහිල්ලා ආපු අපි වැව රවුමේ ටික වෙලාවක් ඔහේ හිටියා ඉතිං. මන් පොරි බෑග් එකක් අරන් අහුරක් කටේ දාන් තව අහුරක් මාළුන්ට විහික්කා. විනාඩි පහක් ගියේ නෑ විහාගේ චුරු චුරුව පටන් ගත්තා. උගේ ඇගේ හැටියට නෙවෙයි ඉතින් ගිලින්නේ. ඕලෙවල් කරන අපි හොද පෙනුමට හිටියත් විහංගන අට වසර පොඩි එකෙක් වගේ.

” මන් දැක්කා ඉස්සල්ලත් උබ දිලාගේ පොකට් එකට විදිනවා ”

” හරි ඉතින් වඩේ අනේ කෑවේ. ඔයාටත් එකක් බෑග් එකේ දා ගත්තා හලෝ ”

” අරූට කියලද දැන් ඔය අයිස්ක්‍රීම් ගන්න උඩ දාන් ය………. අ   à·„à·Š… ”

මට ඉතිරි ටික කියා ගන්න වුන්නෑ විහංගන දිහා බලන් ආපු මන් දැක්කේ නෑ මගේ ඉස්සරහ තියන ගල.

එහෙන්ම විහික්කා වෙලා ගිය පාර පැත්තක හිටිය පොඩි කොල්ලෙක් අල්ල ගත්තේ භූමි නමස්කාරෙන් බේරෙන්න වුණත්        හිතුවේ වත් නැති විදිහට එයත් බිම පත බෑවුනා.

” ආ…………… දිලා   ආ  ආ  ආ   ආ   න්.
එනවා මිනිහෝ…. ”

විහාගේ අදෝනාව ලාවට ලාවට වගේ ඇහෙද්දී මගේ කන ගාවිනුත් මිනි කිංකිනි කටහඩක් ඇහුනු හැටියේ හරි සිහියට ආව මන් ඉක්මනින් නැගිට්ටත් කකුලේ උළුක්කුවක් නිසා ආයෙමත් අර පොඩි කොල්ලගේ කකුල උඩට පත බැවුනා.

” අයිසේ… අයින් වියන් මිනිහෝ. ඇස් පොට්… ”

” මිනිහෝ තෝ බලං ඉන්නැතුව මූව උස්ස පා ආ ආ න් “ 

දිලාන් ව ඇදන් ඇවිත් විහා ආයේ කෑ ගැහුව පාර දීලනුයි යාලුවෝ කීප දෙනෙකුයි මාව ඉස්සුවා. එතකොට තමයි මන් අර කොල්ලගේ  මූණ දැක්කේ.

දෙයියනේ ඒ ඇස් ඒ රූපේ…….. දෙවියෝ නිවාඩු පාඩුවේ මවපු රූපයක්.  කකුලේ කැක්කුම නොදැනෙන තරමට මට අමුතුම අමුතු මෙව්වා එකක් දැනෙන්නේ පටන් අරන්.
කාලේ නිකන් නතර වෙලා වගේ.

දුබුරු පාට හමක් තියෙන කළු ජිල් බෝල වගේ ඇස්. ලා කදුළු පටලය නිසා ඇස් දිලිසෙනවා. මොන මොනවදෝ කුටු කුටු ගගා මට බැන බැන තනියම නැගිටින්න හදද්දී එතනට ආපු තව ලොකු කොල්ලෙක් අරයගෙ අතිනුත් ඇදන් බනින්න පටන් ගත්තා.

“  මගේ කාලේ නොකා වරෙන් යන්න.  ආ මේ ටික කාරෙකට දාපන් .  තවත් මොනාද අයිසේ බලන් ඉන්නේ ”

ඒ නපුරු පිරිමි රූපේ අර පොඩි කොල්ලට ගිගුරුවා. 

” ආ à·„…රි   ම…. à·„ ත් තයා ”

පොඩි කොල්ලා අර මනුස්සයා දුන්නු බෑග් ටිකත් අරන් කකුලත් නොන්ඩි ගගහා අර මනුස්සයා පස්සේ යන්න ගියා.

වර්තමානේ

මගේ පළමු ආදරේ හම්බුනේ නුවර වැව රවුමේ. ඒ කොල්ලා මට වඩා අවුරුදු දෙක තුනක් බාල ඇති. දාන් කොහේ ඉන්නවද මන්දා එයා.

කෝච්චිය නුවරට ඇවිත් නතර කරාට පස්සේ මන් ස්ටේෂන් එකෙන් බැහැ ගත්තා. අම්බෝ ගොඩක් වෙලා එක දිගටම ඉදන් හිටිය නිසා පස්සත් හිරි වැටිලා.  වට පිට බලපු මන් කවුරුත් වැඩිය පේන්න නැති නිසා පැත්තකින් වාඩි වුණා. හත පහුවෙලා විනාඩි විස්සක් ගියත් මාව ගන්න කවුරුත් ඇවිත් හිටියේ නෑ.

” ම් මේ සකුන්තලා මැඩම් කොලබින් එව්වා කිව්ව ළමයද “ 

ටිකක් වයසක මනුස්සයෙක් මයේ ළගට ඇවිල්ලා කතා කරා.

.
.
.
.
.
.
.
.
.
.
.
.
.
.
.

” මයේ මැණික අප්පච්චි පොඩි ගමනක් ගිහිල්ල එනකම් චූටි එක්ක ඉන්නවද. යෝගට් එකකුත් වස්තුවට ගෙනල්ල දෙන්නම්කො ”

” ඔ.. ඕ ”

මගේ පුතු පැටියව කමනි නැන්දගේ පුතා අතට දුන්නා. මයේ පුතා ටිකක් හරි ඉන්නේ එයත් එක්ක. ඒකා ලබන අවුරුද්දේ ඒ ලෙවල්. සමහර දවස් වලට කමනි නැන්දාව රෑට ගෙදර එක්ක යන්න වලව්වට එනවා.

අප්පච්චිගේ තේ වත්තේ වැඩට ළමයෙක් අද එක්ක එනව කිව්වා.  ඉතින් ඒ ලමයව ගන්න ගුනේ මාමා ස්ටේෂන් එකට යන නිසා මට බඩු වගයක් ගන්නත් එක්කලා මාත් කා එකට නැග්ගා. නුරාද්ට පලතුරුයි යෝගට් ටිකකුයි ගන්න ඕනී.

ඉස්ස ඉස්සල්ලම බඩු ටික අරන් අපි අර ලමයව ගන්න ස්ටේෂමට ගියා. වාහනේ ඇතුලේ හිටිය මන් ගුනේ මාමත් එක්ක එන කොල්ලව දැකල ගැස්සුනා… මගේ දෙයියනේ…….

සුද්දෙක් වගේ පෙනුමක් තියෙන ඒ කොල්ලා දකිද්දී  එක රූපයක් මට මතක් වුණා.  එකම වගේ අය මේ ලෝකේ ඕනෑ තරම් ඉන්නවානේ කියලා මගේ හිත කිව්ව නිසා වැඩිය මන් ඒ ගැන හිතන්න ගියෙ නෑ.

අළු පාට ට්‍රවුස එකට සුදු ටී එකක් දා ගත්තු ඒ කොල්ලා එයාගේ පරණ ස්කූල් බෑග්ගේත් බදන් කා එකට නැග්ගා.

ම් ඇස් නම් කලුයි. සුද්දෙක් වගේ වුනාට තනිකරම අරයා තරම් නෑ. එක ඇහැක් නම් ටිකක් වපරයිද මන්දා.  කන්නාඩියක් ඉරි තැලිලා ගිහිල්ලත් එක්කලා .  තඹ පාට බෙල්ල ගාවට කඩන් හැලෙන කොන්ඩේ හරි ලස්සනයි.

මේ කොල්ලා කොහේ හරි දැකලා පුරුදුයි පුරුදුයි වගේනේ.  මන් බලන් හිටිය නිසාද මන්දා කොල්ලා ටිකක් කලබල වුණා.

අපි වලව්වට එනකොට නම් අටත් පහු වෙලා පොඩි එකාට නින්දත් ගිහිල්ලා ඇති.  මේ කොල්ලා ඇසුත් තඩිස්සි කරන් වලව්ව දිහා බලන් ඉන්නවා.

” ඇයි වලව්වක් කලින් දැකලා නෑ ද ම් ”

” ම්  මේ නෑ සර් ”

” නම මොකක් ”

” නිලූෂ ”

” නිලූෂ විතරද ”

” නිලූෂ සත්සිදු ”

” වයස ”

” විස්සයි සර් ”

” කො…. “         

දොරකඩ ළගට යද්දීම අප්පච්චි ඇවිත් කිව්ව දේ නිසා අඩියට දෙකට කමනි නැන්දා ළගට දිව්වා.

” චූටි බේබි ළමයට කිරි පොවද්දී ඩිංගිත්තක් ඉස්පොල්ල ගි…. ”

” කෝ චූටි ”

” බේබි සෝමේ ආව නිසා ගෙදර ගියා. දෝණිත් තනියමනෙ ඒකයි ”

” ම් ”

මගේ මැණිකට කිරි ඉස්පොල්ලේ ගිහිල්ලා. නිදි කිර කිරා හිටපු පැටියා මන් වඩා ගද්දිම වගේ ආයේ බෙරිහන් දෙන්න පටන් ගත්තා.

” චන්ඩියා මගේ…  මොකෝ ආ.. ශ් ශ්…        
ආ මෙන්න චොකෝ එකක් ”

” ඔ  ….  දො ”

චොකලට් එක දැකපු පුතා ඇඩිල්ල නතර කරලා මොන මොනවදෝ කියන්න හදනවා. කාමරේ දොරත් ලොක් කරලා සෙල්ලම් බඩු ටිකත් බිම හලලා ටවල් එක ඇදන් වොෂ් රූම් එකට ගියා නා ගන්න. සීතල වතුර බින්දු ඇග දිගේ පල්ලම් බහිනවා.   කොච්චර අතීතේ අමතක කරන්න හැදුවත් ලෝරාව මතක්වෙන එක නතර කරන්න බෑ.  මට ඕනීමයි කියලා හිතුනු එකම කෙල්ල.
පුතා තනියම නිසා ඉක්මනින් නා ගත්ත මන් ඇදුම් මාරු කරලා එයා ළගට ආවා. හෙට ස්කෝලේ. වැඩ ටිකත් තාම එහෙන්ම නිසා චූටියාව ඔක්කේ තියන් වැඩ කරන්න පටන් ගත්තා.

දගල දගල හිටියට දැන් නම් යන්තමට මයේ මැණිකට නින්ද යාගෙන එනවා. දොළහටත් කිට්ටුයි. පුතාව ඇදෙන් තිබ්බ මන් කොෆි එකක් හදන්න කුස්සියට ගියා. මන් යද්දී කුස්සියේ ඉදන් ආපු නිලූෂ මාව දැකලා ගැස්සුනා. දූවිලි නාලා හිටිය කොල්ලගේ ඇදුම ගන්න දෙයක් නෑ. මේ කොල්ලා මෙච්චර රෑ වෙනකම් මොනා කරනවද මන්දා. මූණත් මහන්සියටම මැලවිලා.

” මෙච්චර රෑ වෙනකම් උබ මොකද කරේ ආ ”

” බේ   බේ බි හාමු කුස්සියේ පිටිපස්සේ තිබ්බ ගබඩා කාමරයක් සුද්ද කරා ම මන් ”

” පිස්සුද බොල මේ රෑ ඒක සුද්ද කරන්නේ ”

” හාමු මහත්තයා ඒකෙ ඉන්න කිව්වා බේබි හාමු ”

ආ අප්පච්චි කොල්ලට වැඩි වලන් තියලා තියන කාමරයක් දීලා තියෙන්නේ.

” ඒක අස්පස් කරලා ඉවරද දැන් ”

” මේ තව ටිකක් තියේ හාමු ”

” දැනට ඒකේ ඉන්නකෝ එහෙනම් හෙට උදේට මන් අප්පච්චි එක්කලා කතා කරලා වෙන කාමාරක් ලෑස්ති කරලා දෙන්නම් ”

” එහෙම ඕනී නෑ හාමු. මට මේක à·„à·œ…..”
 
මගේ රැවිල්ලත් එක්ක කොල්ලා කට පියා ගත්තා.

             ………………………………

ගිහිල්ල එන්නම් 🤗😊

වෝට් එකකුත් දාන්න  හොදේ 😊😊💞