À¶…À¶­À·Š À·€À·À¶»À·À¶¯À·Šà¶¯ ( Completed ) තිස්‌වැනි කොටහා

” පුතා දැන් කවද්ද එතකොට එන්නෙ “

” එන දවසක් හරියටම කියන්න බැහැ. දවස් තුන හතරක්‌ විතර ඉදලා එනවා අප්පච්චි. “

හෙට උදේ කොළඹ යන නිසා මන් ගියෙ ඔන්චිල්ලාවේ ඉදගෙන විටක් කකා ඉන්න අප්පච්චි ළගට මන් කොළඹ යනවයි කියන්න .

” තනියම ද යන්නේ පොඩි එතකොට “

” නැහැ අප්පච්චි පුතා එක්ක යනවා. නිලූෂත් එනවා මේ අපි එක්කලා “

නිලූෂත් එනවැයි කියලා කිව්ව ගමන් අප්පච්චිගෙ මූණේ ඉරියව් බලා ගෙන ඉද්දි වෙනස් වුණා.

” තේ වත්තේ වැඩට මිසක් මන් ඒ කොල්ලා ගත්තේ උබ එක්කලා රවුම් ගස්සන්න නෙවෙයි. ඒකා කැම්පස් යන්න තේරුණු නිසයි මන් උට‍ කැම්පස් එකට යන්න කියලා නිවාඩු දවස් වලට වත්තේ වැඩ කරන්නයි කියලා කිව්වේ පොඩි . උට‍ මන් පඩි ගෙවන්නේ පුතේ නිකම් කකා බිබී ඉදලා ඉගෙන ගන්නමත් නෙවෙයිනේ . ඒකා දැන ගන්න ඕනී ඉගෙන ගන්න ගමන් තමුන්ගෙ රස්සාවත් හරියට කරන්න. මන් හිතනවා තමුන්ට ඒක තේරුනයි කියලා. කෝ දැන් ඒ කොල්ලා “

” එයා නා ගන්නවා අප්පච්චි “

මන් හිතුවේ නෑ අප්පච්චි ඔහොම කියයි කියලා.

” ම් කොල්ලට කියන්න ඕනී හෙට උදේ ඉදලා කැම්පස් පටන් ගන්නකම් තේ වත්තේ වැඩට එන්න කියෙලා. “

එහෙම අප්පච්චි කියද්දී මන් එන්න ආවේ කාමරේට. කොහොමද අනෙ දිනුලගේ ගෙදර යන්නේ මගෙ කොල්ලා නැතුව. මෙදා පොටෙත් අපිට කොහෙවත්ම යන්න වෙන්නෑ එහෙනම්. නිලූෂ උදේ වැඩට ගියොත් එන්නෙ හවස් වෙලා වෙද්දී පැටියටයි මටයි තනියම ඉන්න තමයි වෙන්නේ වලව්වෙම.

” අ පා… “

මම් ජනේලෙන් එළිය බලන් කල්පනාවක ඉද්දි නුරාද මට‍ දික් කරේ එයාගේ චිත්‍ර ඇද ඇද හිටපු කොළයක් වෙද්දී මන් බැලුවේ ඒ මොකක්ද කියලා.

ගෙදරක පොඩි ළමයි දෙන්නෙක් සෙල්ලම් කරනවා. පාට කරලා නැති ඒ රූප හරි ලස්සනට තිබ්බා.

” යමුකෝ පැටියෝ දැන් අපි දෙන්නම මේක පාට කරලා ඉවර කරමු. “

” ආ “

නුරාද පාට කූරෙන් කූර අරන් රූප පාට කරන්න ගත්තත් හරි මට‍ කල්පනා වුනේම හෙට දවස ගැන. මායි පැටියයි නිලූෂයි ඇදුම් බෑග් මලු හිටන් ලෑස්ති කරලයි තිබුනේ රෑ වෙන්න කලින් හෙට පාන්දරම කොළඹ යන්න කියලා .

” කි “

” අයියා ආවට පස්සේ අප්පච්චි දෙන්නටම කිරි කෝප්ප දෙකක් හදලා දෙන්නම්කෝ බබා විස්කෝතු එක්ක බොන්න “

” ආ “

හා කියලා ඔලුව වනපු නුරාද ආයේ චිත්‍රෙ පාට කරන්න ගත්තා වෙද්දී මන් ගියෙ ජනේලේ ළගට. නිලූෂ තාම නානවා දිය බරියා වගෙ.

” ආ මගෙ හාමු මහත්තයා කොහෙද යන්නේ මේ “

” ඔලුව හොදට පිහා ගන්න නිලූෂ. මන් කිරි දෙකක් හදා ගෙන එන්නම්. නුරාදත් ඕන් කාමරේ ඇති “

” ම් මන් බලාගෙන ඉන්නවා ඉක්මනට එන්න හාමු,……. “

මන් කුස්සියේ පැත්තට යද්දි මට‍ හම්බුනේ නිලූෂ. ඔලුව දිගේ වතුර බේරෙනවා.

” පොඩි බේබීට ඕන් මන් හෙට උදේට ගෙනියන්න මාළු ඇඹුල් තියල් දාලා තියෙන්නේ. බටු මොජුවකුත් දැම්මා බේබී මන් “

” ම් නියමයි නෙ නැන්දේ මාත් හරි ආසයි කමනි නැන්දගේ ඇඹුල් තියල් වලට. දිනුලත් කැම්පස් කාලේදී හරි පෙරේතයි නෙ කමනි නැන්දගේ ඇඹුල් තියලෙට “

මන් කෝප්ප තුනත් අරගෙන එහෙම කියද්දී කමනි නැන්දා හිනා වුණා. උදේ රත් කරපු එළකිරි ටිකක්‌ ඉතිරි වෙලා තියෙද්දී මන් ඒක රත් කරලා වක් කරේ අපෙ කෝප්ප තුනට.

” ලොකු හාමු කියන එකත් ඇත්තනේ ඉතින් හාමු “

” නිලූෂ ඔහොම කිව්වට අපි මේ ගමන දවස් ගානක ඉදලනෙ යන්න කතා වෙන්නේ. අනෙ අප්පච්චිට පොඩ්ඩක් හිතන්න තිබුනානෙ අපි ගැන. මොනා කරන්නද යන්න වෙන්නෑ දැන් අපිට. පව් මගෙ පැටියා “

නුරාද එයාගේ චූටි පුටුවේ ඉදන් කතන්දර පොතක් බල බලම කිරි එක බොද්දි මායි නිලූෂයි ආවේ සැටියට. මන් මේ ළගදි අප්පච්චි එක්කලා හන්දියට ගිහිල්ලා ලොකු හාන්සි පුටු සැටියක් ගත්තා මගෙ කාමරේට. ඒක ගොඩක් සනීප නිසා දවල්ට වෙලාවකට නුරාද නිදා ගන්නෙත් එකේ.

” මොනා කරන්නද බේබී. මේ වලව්වේ ඉන්නකම් අපි ඔක්කොමලාටම එයා කියන දේවල් තමයි අහන් ඉන්න වෙන්නේ “

” ඔයා ඔය නොකියා කියන්නේ මේ වලව්ව අත ඇරලා දාලා අපි තුන් දෙනාම කොහේ හරි යමුයි කියලද නිලූෂ ”

එයාගේ ඒ වචන වලට මට‍ ටිකක්‌ කේන්ති ගියා වෙද්දී එයා කරේ ඒකට හිනා වුණු එක.

” මගෙ හාමුට කමනි නැන්දට කියලා කොහිල අල සලාදයක් හදලා දෙන්න ඕනී. නැත්තම් මායි පව් “

මෙච්චර මේ මගෙ රැවුල ගිනි අරන් තියෙද්දී මෙයා එනවා ඉතින් සුරුට්ටු පත්තු කරන්න.

” තව දා ගෙන කන්න පුතා අත ගගා ඉන්නැතුව “

අම්මා මොනා කිව්වත් මට කන්න නෙවෙයි පිරියක් තිබ්බේ. මන් මෙතන ඉන්නෙත් නුරාද කනකම්.

” මට‍ කන්න පිරියක් නෑ අම්මේ. “

” ඒ මක් වෙලාද පොඩි… අසනිපෙන්ද ඉන්නේ මූණත් ටිකක් මලානික වෙලා නෙ “

” මට මොකුත් වෙලා නෑ අම්මේ “

” බෑග් එහෙම දැන් ලෑස්ති කරන්ද ඉන්නේ පුතා හෙට දිනූ පුතාගේ ගෙදර යනවා කිව්වනේ “

අම්මා එහෙම කියද්දී මට‍ බැලුනෙ බත් කකා හිටපු අප්පච්චි දිහා.

” මට‍ ඒ ගමන යන්න වෙන්නෑ අම්මා “

මෙච්චර වෙලා බත් එක දිහාම බලන් හිටපු අප්පච්චි දැන් තමයි මගෙ මූණ දිහා බැලුවේ.

” ඒ මොකෝ යන්නැහැයි කිව්වේ “

අම්මා එහෙම ඇහැව්වත් මන් කරේ අප්පච්චිටත් බැල්මක් දීලා එතැනින් නැගිටලා ගියපු එක. කොහොමත් නුරාදට තව බත් කටවල් දෙක තුනයි නෙ කන්නත් තිබ්බේ. ඒක කාලා එන්නැතා එයා.

…………………………………………

මන් කුස්සියේ පැත්තට යනකොට දැක්කේ නුරාද එයාගේ චූටි පුටුවේ උඩ හිටගෙන එයා කාපු පිගානේ හෝදනවා.

” පැටියෝ මොකෝ මේ. කෝ අප්පච්චි නුරාද “

” නා “

කොල්ලා පුටුවෙනුත් බැහැලා නැහැ කියලා ඔලුව හෙල්ලුවා වෙද්දී මාත් පිගානේ හෝදලා වතුරත් බීලා නුරාද එක්කම ගියෙ බේබිගේ කාමරේට.

” බේබී මොකෝ මේ කෑවේ නැද්ද ඇයි ඔහොම හාන්සි වෙලා ඉන්නේ “

බේබී හිටියේ ඔහේ හාන්සි වෙලා ඉද්දි මන් එහෙම ඇහැව්වා.

” නිකන් නිලූෂ. මොකෝ මේ දැන්ම කාමරේට ආවේ. අම්මා දැක්කොත් එහෙම මොකද මේ පොඩඩීගේ කාමරේට රිංගන්නේ කියලා අහයි “

එයා නිකන් කියලා කිව්වට මොකද බේබිගේ මූණෙන්ම පේනවා ඉන්නේ හිතේ අමාරුවෙන් කියලා “

” මන් කියනවා ඉතින් ලොකු මැණිකෙගේ පොඩි පුතාව බලන්න යන්නේ කියලා “

” හොදට තියෙයි “

පොඩි බේබිගේ කාමරෙන් එළියට ආපු මන් දැක්කේ ඉස්තෝප්පුවේ ඉදගෙන කල්පනාවක ඉන්න ලොකු හාමුව.

” ලොකු හාමු සමාවෙන්න ඕනී කරදර කරනවට. “

” ආපු කාරණාව කිව්ව නම් තමුන් “

මන් දිහාවත් බලන් නැතුව හිටපු ඉරියව්වෙන්ම ලොකු හාමු එහෙම කියද්දී මාත් ඒ පැත්තකින් ඉදගෙන ලොකු හුස්මක් පිට කරා..

” ලොකු හාමු මට‍ දවස් තුනක් නිවාඩු දෙනවද. මන් ඒ දවස් තුනට හරියන්න කැම්පස් පටන් ගත්තම කැම්පස් එකට යන්නැතුව මුල් සතියෙම වත්තෙ වැඩට එන්නම් “

කොහොමත් මන් අත තුවාල වෙන්න කලිනුත් කැම්පස් දවස් වලටත් වත්තෙ වැඩට ගියා දවසෙ අදායම හොයා ගන්න ඕනී නිසා. කැම්පස් එකට යන්න ගත්තත් හරි ටික දවසක් ගියාට පස්සේ ලොකු හාමු මට‍ දුන්නේ දවසෙ පඩිය.

” උබ හරීයට හිතනවා නොවෑ අපේකා ගැන. හැබැයි කොල්ලෝ උබ මගෙ දරුවා අපෙන් වෙන් කරලා මේ වලව්වෙන් ඈතකට ගියොත් මේ ලොකු හාමුත් නාකි වුණා කියලා නිකම් ඉන්නේ නම් නැහැ . ඒ නිසා උබ හිතන්නවත් එපා මගෙ කොල්ලා මේ අප්පච්චිගෙන් වෙන් කරලා දාන්න “

” ලොකු හාමු මායි පොඩි බේබීයි ආදරේ කරනවා තමයි. එහෙම කියලා පොඩි බේබී එයාගේ අම්මා අප්පච්චිව දාලා මාත් එක්කලා කොහෙවත් යන්නෙත් නැහැ මන් එහෙම බේබීවයි පැටියවයි කොහෙවත් එක්ක යන්නෙත් නැහැ. මොකද හාමු පොඩි බේබීට මේ වලව්ව එපා වෙලාම යන්න තරම් මොනම දෙයක් වත් තාම වෙලා නැහැනේ “

අවසාන ටික කියද්දී නම් ලොකු හාමුගේ ඇස් නතර වුනේ මගෙ මූණේ. මොනා වුණත් ලොකු හාමුට පොඩි බේබීට වලව්වෙන් යන්න එපා කියලා බලපෑම් කරන්න බැහැ නේ එයා අප්පච්චි වුණා කියලා.

” ම් හෙට ගිහිල්ලා පරිස්සමින් මගෙ දරුවා එක්ක එන්න “

ලොකු හාමු තාම එතැන ඉදගෙන ඉද්දි මන් ආවේ මගෙ කාමරේට. හෙට පාන්දර දෙකේ කෝච්චියට නගින නිසා හය වෙද්දී අපිට කොළඹ ඉන්න පුළුවන්.

” නෑ…..ඇත්තටමද නිලූෂ මේ කියන්නේ. ඔයාට අප්පච්චි යන්න කිව්වද… හිතා ගන්න බෑනේ… ඇයි ඉතින් මොකවත්ම මට‍ කලින් කිව්වේ නැත්තේ ආ “

ඔන්න පටන් ගත්තා හාමු මහත්තයා මගෙ කන් අස්සේ කෑ ගහන්න. ලොකු හාමු අපිට කොළඹ යන්න කිව්ව කියලා බේබීට කිව්වට පස්සේ එයාගේ ඇසුත් ලොකු වුණා.

” බොරු කියලා මොනා ගන්නද මගෙ බේබිගෙන්. ඇයි මෙයාව මෙච්චර කලින් නිදි කෙරෙව්වේ බේබී “

නුරාද බේබී ළගට වෙලා කොට්ටෙකුත් බදන් නිදා ගෙන ඉද්දි මන් කන්නාඩි කුට්ටමත් පැත්තකින් තියෙලා එහෙම ඇහැව්වා.

” ඒක නෙවෙයි මන් හොද වෙලාවට බෑග් අස් කරෙත් නැහැ. දැන් කොහොමද කියන්නකෝ හෙට පාන්දර අපි කෝච්චියට යන්නේ. ඔයා කලින් ඕක කිව්ව නම් බලන්නකෝ මන් යසට ගුණේ මාමට ඉන්න කියනවනේ. දැන් ඉතින් කලින්ම නැගිටලා මේ බඩු මලුත් උස්සන් ළමයවත් අරන් ස්ටේෂමට බස් එකේම ගාටපන්කො “

” මන් පැටියව ගන්නම්. හාමු බේබී බෑග් මලු දෙක උස්සගෙන බස් එකට නගින්නකෝ “

” විහිළු කරන්න එපා නිලූෂ මන් දරුවා ගන්නම්. ඔයා මලු දෙක උස්සන්න. “

” හරි ඉතින් වයසට ගියාම බර උස්සන්නත් අමාරුයි නේ නේද හාමු “

මන් එහෙම හිනා වෙවී කිව්වත් හරි හාමු බේබී නුරාදගේ පැත්ත හැරිලා එයාවත් බදා ගෙන නිදා ගත්තේ මගෙ පැත්තට කොට්ටයකුත් විහික්කා කරලා.
මාත් නිකන් නොයිද එයාට හෙලවෙන්නවත් බැරි විදිහට මගෙ කකුලකුත් ඒ ඇගට දාලා බදා ගත්තේ එයා මගෙ අතකුත් හයියෙන් හපද්දී.

” කොළඹට යද්දි ඔච්චර තෙල් උලන්න එපා නිලූෂ. ආ මේකෙන් ඩිංගක් ගා ගන්නකෝ. නෑ නෑ මන්ම ගාන්නම්. “

එයා මොකක්දෝ සුවද දෙයක් මගෙ ඔලුවේ ඉලුවා වෙද්දී එයාගේ භාගෙට ඇරිලා තියෙන කමිසේ බොත්තම් ටික දැම්මා.

” අමෙ අම්මේ දැන් ඉන්නෙ මගෙ අලි පැටියා නළුවෙක් වගෙ හැන්ඩියට. “

” මොනාද ඒ ඉලුවේ. හරි සුවදයිනේ “

” ඒ ජෙල් එකක් නිලූෂ. හැබැයි ඔයා නම් පොල් තෙල් ගාන තරමට හොදයි.  ලන්සියෙක්ගෙ වගෙ කොන්ඩේ තඹයිනේ ඉතින් “

මගෙ හාමු මහත්තයා ඇගට ටිකක් හිර අත් කොට ලා නිල් පාට කමිසේකට කළු කලිසම ඇදලා ඉද්දි මන් ඇන්දේ තනි කළු අත් දිග කමිසෙට අලු පාට කලිසම.

අපි තුන් දෙනා ලෑස්ති වෙලා කාමරෙන් එළියට ඇවිල්ලා පහළට යද්දි සාලේ පුටුවේ වාඩි වෙලා ඉන්න ලොකු හාමු දැකලා අපි දෙන්නා මූණෙන් මූණ බලා ගත්තා.

” අප්පච්චි මොකද මේ නැගිටලා “

” ආන් ගුණේ වාහනේ ගත්තා. තවත් පරක්කු වෙන්නැතුව යන්න කෝච්චියට පොඩි. “

” ගුණේ මාමා හිටියද ගෙදර යන්නැතුව අප්පච්චි “

” ම්…… බුදුසරණයි. “

හාමු බේබී ලොකු හාමුට දණ ගහලා වදිද්දී ඒක බලන් හිටපු නුරාදත් බිම දිගෑ වෙලා ලොකු හාමු එයාගෙත් ඔලුව අත ගාලා බුදුසරණයි කියනකම් වැදගෙන හිටියා වෙද්දී පොඩි බේබිගේ ඔලුව අත ගාලා බුදුසරණයි කියපු ලොකු හාමු තාමත් බිම දිගෑ වෙලා වැදගෙන ඉන්න පොඩි එකාට බැල්මක්වත් නොදී ඉක්මනටම කාමරේට ගියා.

” බුදුසරණයි මගෙ වස්තුට.  කෝ යමු දැන් අපි ඔයාගේ අයියා පැටියවත් බලන්න විජහට “

ලොකු හාමු ගියපු දිහා බලන් හිටපු බේබීවත් පහු කරන් මන් ගියෙ නුරාද ළගට.

” යමු නේද හාමු ම් “

” ආ යන් යන් නි ලූෂ “

මන් මලු දෙකත් ඇතුළට දාලා පැටියත් වඩා ගෙන වාහනේ ඇතුළට නගිද්දී හාමුත් මොකක්දෝ කල්පනාවක ඉදලා වාහනේට නැග්ගා.

හූ හඬ ගාගෙන කෝච්චිය නවත්තව්වත් හරි මන් මල්ලකුයි ළමයවයි උස්සන් කෝච්චියට නැගලා මලු දෙක උඩට දැම්මා.

” බෙල්ල කඩා ගන්නද ළමයෝ යන්නේ ආ. ආයේ පාරක් එහෙම ඔලුව ඔයවගේ දාලා තිබ්බොත් දෙන්නේ මන් පස්ස පුපුරන්න හොද වයින් දෙකක් “

” පිස්සුද ඔච්චර ඔය පොඩි එකාට කෑ ගහන්න හාමු. පොඩ්ඩක් හොදින් කියන්න එතකොට නුරාද කොහොමත් අහනවා. “

කෝච්චිය හෙමින් හෙමින් අද්දන්න ගත්තත් හරි මගෙ ළග හිටපු බේබී කෑ ගහන්න ගත්තේ නුරාද ජනේලෙන් එළියට ඔලුව දාපු නිසා වෙද්දී පැටියත් බය වුනා ඒ කෑ ගැහිල්ලට .  මාත් බේබී හාමුට කෑ ගහන්න ගනිද්දී ජනේලේ ළග හිටපු පැටියා හෙමින් සැරේ ආවේ මගෙ ළගට එයාගේ අප්පච්චි දිහා හොරෙනුත් බල බල.

” දැන් ඔය අප්පච්චි එපා නිසාද යන්නේ නුරාද ආ….. එහෙනම් අයියා ළගටම වෙලා ඉන්න හොදේ “

ටික වෙලාවක් ගියාට පස්සේ සීතළ ඇල්ලුවත් හරි බේබී නැගිටලා මල්ල අරගෙන මගෙ පපුවේ ඔලුව තියන් ගුලි වෙලා නිදන් ඉන්න නුරාදව වැහෙන්න ෂීට් එකක් දාලා ඒ නළලට හාදුවකුත් දීලා මගෙ කම්මුලකුත් හැපුවා.

මාත් නිදා ගන්න කියලා පැටියවත් තද කරන් බදා ගෙන ඇස් දෙක පියා ගත්තා වෙද්දී  හාමුත් මගෙ උරහිසේ ඔලුව තියා ගන්නවා දැනුනේ එයාගේ සුවද මගෙ නාස් පුඩු වලට තදේට දැනෙද්දී .

              …………………………….

මන් ඇස් ඇරලා බලද්දී නුරාද තාම හොදට නිදි කටත් අරගෙන.

” නැගිට්ටද හාමු.. බහින තැන ළගයි දැන් නම් “

නිදා ගෙන ඉන්න නුරාද දිහා බලාගෙන ඉද්දි මන් ඔලුව උස්සලා බැලුවේ මට‍ කතා කරපු එයා දිහා.

” ඔයාට නින්ද ගියෙ නැද්ද නිලූෂ ආ “

” ගියා හැබැයි ටිකයි “

එදා එයාගේ අම්මගේ මළ ගෙදර දවසෙ ගිහිල්ලා ආපු පාර මන් මේ ආයේ දිනුලගේ ගෙදර යන්නේ. උදේට අපි චූටි කඩේකින් කෑමත් කාලා නවය කිට්ටු වෙද්දී ගියෙ දිනුලගේ ගෙවල් දිහාට්ට.

” අම්මි අම්මි…. කාදෝ ආවා අප්පත්ති….”

අපේ ටැක්සිය විවර වෙලා තියෙන ඒ කළු පාට ලොකු ගේට්ටුවෙන් ඇතුළට දැම්මත් හරි කලිසම් කොටේ පිටින්ම මිදුලේ බලු පැටියෙක් එක්කලා සෙල්ලම් කර කර හිටපු රාහුල් ටැක්සිය දැකලා ගේ ඇතුළටම දුවන් ගියා.

නිලූෂ බැහැලා ටැක්සියට සල්ලි දෙද්දී මන් පුතාවත් බස්සලා මලු දෙකත් ඇරන් බහිද්දී දිනුල කමිසේ බොත්තම් ටිකත් දදා ආවේ එළියට.

” ආ විරා……මන් ඒත් බැලුවා මේ පාන්දර කවුද මේ ආවේ කියලා. යමන් බන් ඇතුළට .  රාහුල්… රා….හුල් බලන්න මේ කව්ද ඇවිල්ලා ඉන්නෙ කියලා “

” උබ නම් තවත් මහත් වෙලාද මන්දා විරා “

” අනෙ පලයන් බන් දිනු වො. ඔන්න අපි දවස් දෙක තුනක්ම ඉදලා යන්නයි ආවේ ඕන් “

E
” හිටපන් ඉතින් මාසයක් වුනත්. හැබැයි පුතා මාසයක් විතරයි ඈ. උබ මාසෙකට වඩා හිටියොත් එහෙම මගෙ හෝටලේ කෑම ටිකත් මෙහෙ බලලා අරහෙ බලද්දී සුටුස් ගාලා ඉවර වෙයි “

අපි එහෙම කියව කියව ඉද්දි හොද ඇදුමකුත් දාගෙන එළියට ආවේ රාහුල්. රාහුල් අපිව දැක්ක හැටියේ දිනුල පිටිපස්සේ ලැජ්ජාවට හැංගුනේ නුරාදත් නිලූෂගේ අතින් අල්ල ගෙන රාහුල් දිහා බලන් ඉද්දි.

” නිලූෂ එන්න “

මන් ඇතුළට යද්දි මගෙ ළග හිටපු නිලූෂටත් අඩ ගැහැව්වා වෙද්දී යන්න ගියපු දිනුලත් නතර වෙලා බැලුවේ නිලූෂ දිහා.

” සොරි මට‍ පුතාට ආවත් හරි කතා කරන්න බැරි වුනානේ. එන්න යමු.  විමලේ විමලේ……….. මේ මලු දෙක ගන්න. උඩ කාමරයක් ලෑස්ති කරන්න මේ මහත්තයලා දෙන්නට ඉන්න “

එයා එහෙම කියද්දී ඇතුළට ආපු මගෙ ඇස් නැවතුනේ සුදු මල් මාලාවක් දාලා තියෙන ඒ ලොකු ෆොටෝ එක දිහා. ඒත් එක්කම මට‍ මතක් වුනේ අම්මගේ අල්මාරියෙ තිබ්බ ෆොටෝ එක. කොන්ඩේ ගෙඩිය ගහන් හිටපු ඒ තරුණ පිරිමි කෙනා   කොන්ඩේ කපලා ටිකක් වයසට ගිහිල්ලා තිබ්බොතිම් මේ වගේම ඉදියි කියලා මේ ෆොටෝ එක දකිද්දි හිතෙන්නේ මට‍ .

” මොනාද බලන් ඉන්නෙ විරා වාඩි වියන්. නෝනා නම් අම්මලාගේ ගෙදර ගිහිල්ල ඉන්නේ. මන් බොන්න මොනා හරි හදන් එන්නම්කෝ “

” දිනු ම් මේ…  “

” ආ මේ මගේ අප්පච්චි බන්. අම්මිට අසනීප වෙන්න ටික දවසකට කලින් ගහපු එකක්. “

මගෙ දෙයියනේ මේ එතකොට මෙයාගේ අප්පච්චි. කොච්චර ලස්සන පිරිමි කෙනෙක්ද මේ… එදා මගෙ අත් දෙකට දිනුලගේ අප්පච්චි කඩා ගෙන වැටෙද්දී මුළු ඇගම වැරහිලි වෙලා ගිහිල්ලා තිබුනේ මේ ඉන්නේ ඒ මනුස්සයමද කියලා හිතා ගන්න බැරි විදිහට. මන් එදා දැකපු ෆොටෝ එකේ හිටපු මනුස්සයා නම් නෙවෙයි වෙන්නැති මේ ඉන්නෙ .

“  ඔයාගේ අප්පච්චි මට අදුර ගන්නත් අමාරු වුනා දිනුල. එදා දැක්කට වඩා ගොඩක් වෙනස් මේ ෆොටෝ එකේදී “

” අම්මි ලෙඩ වුනායින් පස්සේ විරා අප්පච්චිත් ටික ටික අසනීප වෙන්න ගත්තා. ම් ඒක නෙවෙයි උබ කොඩියල් බොනවද නැත්තම් කොෆී එකක් “

” ඕනී දෙයක් බන් “

මම් එහෙම කිව්වට පස්සේ දිනුල යන්න යද්දි මන් අල්ල ගත්තේ මගෙ ළගම වාඩි වෙලා හිටපු නිලූෂ ගෙ අත.

” පස්සේ කාමරේට ගිහිල්ලා ටිකක් නිදා ගන්න මගෙ නිලූෂ. නිදි මත බේරෙනවා”

” ම් ඉස්සෙල්ලා නින්ද ගියෙ නැහැ නේ මට. මේ හාමු අර ඉන්නෙ දිනුලගේ අප්පච්චි නම් අනිත් පිරිමි කෙනා කවුද “

” ඒ දිනුලගේ අම්මා නිලූෂ. දිනුලගේ අප්පච්චිත් ආදරේ කරලා තියෙන්නේ පිරිමි එක්කෙනෙකුට. හරියට ඒ දෙන්නත් අපි වගෙ නේද “

අපි දෙන්නා කතා කර කර ඉද්දි දැන් තමයි මෙච්චර වෙලා රාහුල් එක්කලා එළියේ සෙල්ලම් කර කර හිටපු නුරාද ආවේ.  එයා අපෙ ළගට දුවන් ආවත් හරි එයාගේ ගමන නතර වුනේ ඉස්සරහ බිත්තියේ ලොකුවට එල්ලලා තියෙන දිනුලගේ අම්මගෙයි අප්පච්චිගෙයි ෆොටෝ දෙක දැකලා.

            ……………………………….

” දිනූ මට අම්මලාගේ ගෙදර යන්න ආසයි. මන් ටික දවසකට එහෙ ගිහිල්ලා එන්නද. ඉක්මනට එන්නම් මන් “

එයා ඔලුව පීර පීර එහෙම කියද්දී මන් ගියෙ එයා ළගට.

” පුතාව හරි තියෙලා යනවද. මට‍ පාලුයි නේ දෙන්නම නැතුව “

මට‍ තියෙන මේ වැඩ එක්කලා කොහෙවත් ඇවිදින්න වෙලාවක්වත් නැති වෙද්දී ඇත්තටම සහස්ටයි රාහුටයි එපා වෙනවා ඇති මේ ගේ අස්සට වෙලා.

” රාහුව තියෙලා යන්නම්. හැබැයි අප්පච්චි ඔන්න පැටියව හොදට බලා ගන්න ඕනී… පෙර පාසලේ ගෙදර වැඩත් කරන්න ඕනී හොදද. දෙන්නම හොදට කෑම කන්නත් ඕනී වෙලාවට කලාවට. මන් විමලෙටත් කියන්නම්කො “

එයාව හවස අම්මලාගේ ගෙදර ගිහිල්ලා දාලා මායි පැටියයි ගියෙ අයිස් ක්‍රීම් කන්න.

” අප්පත්ති අම්මි කාද්ද එන්තේ ඈ අප්පත්තියේ “

කට වටේ අයිස්ක්‍රීම් ගාගෙන රාහු වෙනදා වගේම කියවන්න ගත්තා වෙද්දී එයාගේ කෙළවරක් නැති ප්‍රශ්න වලට මන් උත්තර දෙන්න ගත්තා.

” කෝ රාහු බයියන්නකෝ පැටියෝ “

” අම්මි කුක්කු නැතුව මත දෝ මත එන්තෙ නානේ අප්පත්තියේ “

කොල්ලව නිදි කරවන්න හැදුවත් මේකා ඉල්ලන්නේ අම්මි කුක්කු.

” ආ අදට අම්මි කුක්කු ඕන්නැ. අප්පච්චි කුක්කු බීලා බලන්නකෝ රසයි ගොඩක්”

ඒක කිව්වා විතරයි කොල්ලා මගෙ පපුව දිහා බලාගෙන ඉදලා මට‍ කිව්ව දේ එක්කලා හයියෙන් හිනා ගියා.

” අප්පත්තිගෙ කුක්කු දෙත පොදීනේ ගුඩක් “

රාහු පොඩි කියලා මගෙ පපුවේ පැත්තක් උරලා උරලා හයියෙන් හැපුව පාර මට‍ කෑ ගැස්සුනා.

” අප්පත්ති කුක්කු ඔත්තොම ටිත අම්මි බීලද කෝදෝ මත නැතුව “

” මොකා…….ක්  කවද්ද පුතේ උබ ඔව්වා දැක්කේ “

දෙයියනේ මේ ළමයා. හොද වෙලාවට මගෙ නෝනා නැත්තේ. නැත්තම් කොච්චර එයා වැරදි වුණත් මට‍ එයාගෙන් හොද වයින් දෙකක් කන්න වෙනවා.

” ගුඩක් කල් අප්පත්ති “

ගොඩක් කල් අප්පච්චි කියපු රාහු ඈනුම් ඇර ඇර මගෙ පපුවේ ඔලුව ගහා ගත්තා.

” අම්මි අම්මි… කාදෝ ආවා අප්පත්ති…. “

කොල්ලට අමතක වෙලාද කොහෙදෝ එයාගේ අම්මි නෑ කියලා. එයා පුංචි කොටේ පිටින් දුවගෙන එද්දි මන් කිව්වේ හොද ඇදුමක් දා ගන්න කියලා. ගෙදරට එන මිනිස්සු හිතයි කොල්ලට අදින්නවත් නැහැ කියලා. කොච්චර හොද ඇදුම් තිබ්බත් එයා ආසම එයාගේ මේ සැරේ උපන්දිනයට මහලා දුන්නු කලිසමට. ඒක එයා ඇදලා ඇදලම පරණ වෙලා ගිහිල්ලා.

මන් එළියට බැස්සත් හරි ඉස්සෙල්ලම මගෙ ඇහැ ගියෙ මගෙ පැත්ත බලන් හිටපු ඒ සුදු කොල්ලා දිහා. මන් හොදට උබව දැකලා තියෙනවා වගෙනේ තාමත් දැනෙන්නේ. ඒත් ඒ කවද්ද කොහෙදිද කියලා වත් නෙවෙයි මට‍ මතකෙට එන්නෙ. ඒත් එක්කම දැක්කේ ටැක්සියෙන් බහින විරාව.

         ❤️❤️❤️❤️❤️❤️❤️❤️❤️❤️

බුදුසරණයි යාලූලා හැමෝටම 🙏

ගිහින් එන්නම් 💗🤗

අදහස් වෝට් වලට ගොඩක් ස්තුතියි යාලූලා හැමෝටම 🙏🙏💗💗💗💗💗💗💗💗💗💗💗💗💗💗💗💗💗💗💗💗💗