À¶­À·“À¶»À·Šà¶® දාහත්වන තීර්ථය

Bailey’s Lounge Bar
මං සහස් එව්ව ලොකේෂන් එක අනුව බයික් එක නැවැත්තුවා ……. ටිකක් රෑ වෙලා හින්දා ගොඩක් සෙනග නැතත් යම් තරමකට කට්ටිය හිටියා…..

මං ඇතුලට ගියාම දැක්කේ පොඩ්ඩක් එහාට වෙන්න තියෙන මේසෙක ඉන්න සහස්වයි නදීක අයියවයි……

” සෙනුල්ය මං හිතුවේ නෑ ඔයා මෙච්චර රෑ වෙලත් එයි කියලා …… සොරි මචං මට වෙන කරන්න දෙයක් තිබුන්නෑ…. අයියා අපි කවුරුත් කියන එකක් අහන්නෑ………..”

” ඔව් මල්ලී….. මුකුත් කියන්නත් බෑ පොරට පොඩ්ඩ ඇත්නම් තද වෙනවා…. පොඩ්ඩක් කතා කරලා බලනවකෝ…. මුන්ගේ ආච්චිත් භය වෙලා ඇති ….. “

යසස් අයියා හිටියේ මේසෙට ඔලුව ගහගෙන…… ඒ උරහිස් හෙල්ලෙනවා…… එයා ඉන්නේ අඬනගමන් කියලා තේරුම් යන්න මට වැඩි වෙලාවක් ගියේ නෑ………

” අයියේ…….. යසස් අයියේ………”

මං හිමීට එතෙන්ට පාත් වෙලා එයාට කතා කරා…… මගේ කටහඬ එයාට අඳුරගන්න පුලුවන් වෙලාද මන්දා දෙපාරක් කතා කරද්දි එයා ඔලුව ඉස්සුවා……..

” සෙ….නූ…………. “

” අයියේ……….”

” බලපන් සෙනූ මං උඹට කොච්චර බැඳිලද……. මට දැන් උඹව මැව්ලා පේන්නත් පටන් අරන්………… එක්කෝ මට පිස්සු………”

” හොඳ අයියා වගේ දැන් නැගිටලා එන්නකෝ අපි ගෙදර යං……..”

මං එහෙම කිව්වා විතරයි යසස් අයියා වැනි වැනි නැගිට්ටේ ගෙදර යන්න ……

” ඒ බලපන්කෝ මගේ සෙනූ ඉන්නවා… උඹලට පේනවද…… ආ මට මැවිච්ච දෙයක් උඹලට පේන්න විදියක් නෑනේ ….. ඒ…… ඒ………උනාට මේ සුවඳ…… ඒක නම් සෙනූගෙමයි……”

යසස් අයියා සිහි විකාරෙන් කියවද්දි මං එයාව මගේ ඇඟට වාරු කර ගත්තා…..

” උඹට පුලුවන්ද සෙනූ….”

” ඔව් අවුලක් නෑ සහස් උඹට පුලුවන් ද මගේ බයික් එකේ එන්න……”

මං සහස්ට මගෙ බයික් එකේ යතුර දීලා යසස් අයියා එක්කම නදීක අයියගේ කාර් එකට නැග්ගා…….. එන දිගටම මගේ උරහිසට ඔලුව තියන් යසස් අයියා කියව කියව ආවේ…… වචන 100ක් කිව්වොත් 80ක්ම සෙනූ….. සෙනූ…. සෙනුල්ය …… මගෙ සෙනූ…….. ඔච්චර තමා එයාගේ කටේ තියෙන්නේ ….. ඔයා මට ඔච්චරටම ආදරේද යසස් අයියේ?? එක පැත්තකින් අර කවුරුත් දන්න යසස්  තීෂ්මක සෙනෙවිරත්න …. බිව්වාම පොඩි එකෙක් වගේ හැසිරෙන එකත් හරිම කියුට්……  මෙයා මං ගාව කොච්චර සන්සුන්ද….. මට මාත් එක්කම ලොකු තරහක් ආවා… මං යසස් අයියට ආදරෙයි ද නැද්ද නම් දන්නේ නෑ ඒත් ආයේ එයාව රිද්දන්නෑ කියලා මං හිතා ගත්තා ……

අපි යසස් අයියලගේ ගෙදර එද්දි රෑ 12ටත් කිට්ටුයි…… එයාලගේ ගෙදර අපේ ගෙදර තරම් ලොකු නෑ….. හැබැයි පොඩි උනත් ඒ ගෙදර ලස්සනට හුරුබුහුටියට හදලා තිබ්බා…. අපි ගෙදරට යනකොටත් එයාලගේ ආච්චි පුටුවක් තියන් පාර දිහා බලාගෙන හිටියා …..

අනේ… මටත් එහෙම කෙනෙක් හිටියා නම් …… ගෙදරට වෙලා මං එනකම් මග බලන් ඉන්න කෙනෙක් …….

” අනේ පොඩි පුතේ මේ මොකෑ මේ ලොකු පුතා කරන් තියෙන්නේ ……”

” අනේ කිරිඅම්මේ ඔයා තාම ඇහැරිලාද…. මං කිව්වනේ එන්න පරක්කු වෙනවා නිදාගන්න කියලා …..”

” උඹ නම් කියයි මට මගේ දරුවෝ දෙන්නා දකින්නැතුව ඇස් පියවෙන්නෑ…”

” හරි හරි කිරි අම්මේ දැන් අපි ආවනේ…”

” මොකෝ පුතේ අයියා…..”

” දන්නැද්ද කිරි අම්මේ….. පවුල් ප්‍රශ්නනේ…….”

” ඔය ජරාව අත ඇරලා හිටියා විතරයි ආයේ පටන් අරන්නේ….. ඔය පුතාලා දෙන්නා රෑ ඉන්නවද??”

” මං යන්න කියලා ආච්චි අම්මේ ගෙවල් ළඟනේ… සෙනුල්ය මල්ලි ඉඳි…..”

” මං මේ පුතාව කලින් දැකලා නෑනේ ….”

” මං සෙනුල්ය ආච්චි ……. “

” පුතාට මං කාමරයක් අස් කරලා දෙන්නද….. ??”.

” අනේ ඕනි නෑ ආච්චි මං මේ යන්න කියලා …”

” මේ රෑ යන්න එපා බන්… උඹ දුරනේ ඉන්නේ හෙට උදේ යන්න …. මං ඇදුමක් දෙන්නම්…..”

යසස් අයියව එයාගේ ඇදෙන් තියලා නදීක අයියා යන්න ගියා ……. ආච්චි අම්මත් නිදිමතයි කියලා නිදාගන්න ගියාම ඉතුරු උනේ මායි සහසුයි විතරයි …….

” ආච්චි අම්මා විතරයි ද ඉන්නේ??”

” හම්ම් ඔව් අපේ අම්මලා තාත්තලා accident එකකින් නැති වෙද්දි මට යන්තම් අවුරුදු 5යි….. “

” අනේ සොරි…..”

” සොරි කියන්නේ මොකටද බන්… එදා ඉඳලා අපි ඉන්නේ කිරි අම්මා එක්ක… මට වඩා අවුරුද්දක් වැඩිමල් උනත් එදා ඉඳලා අයියා තමා මගේ තාත්තා උනේ…. පොඩිකාලේ ඉඳලම වගකීම් ගත්ත නිසා වෙන්නැති අපේ අයියා මෙච්චර දරදඬු උනේ………. එයා කාටවත් එයාට දැනෙන දේ කියන්නේ නෑ බන්…… එයා එයාගේ දුක පිට කරේ තරහකින්…… හැමෝටම එයා මැරයෙක්….. රාක්ෂයෙක් උනාට මං දන්නවා… එයාගේ තරම් ලස්සන හිතක් වෙන කාටවත් නැතුව ඇති……….”

මං යසස් අයියගේ කාමරේ දොර දිහා බැලුවා….. එයත් මං වගේමයි…. නොහිතා මං එයාව ගොඩක් රිද්දලා….

” මේ ඇදුම් උඹට ඇති වෙයි නේද??….. උඹ මාත් එක්ක නිදාගන්න එනවද??? නැත්නම් ???”

” මං යසස්ගේ කාමරේ නිදාගන්නම්….”

” හරි හරි …. ඕන්න මං දැන්ම කිව්වා… අපේ අයියා ගොරවනවා ඈ…….”

මං සහස් දුන්න ඇදුමුත් අරගෙන bathroom එකට ගිහින් මාරු කරගෙන ආවේ යසස් අයියගේ කාමරේට….. පව් හොඳටම නිදි… මං එයාගේ සපත්තු ගලවලා ජැකට් එකත් අයින් කරලා බෙල්ට් එකත් බුරුල් කරලා …. එයාව වැහෙන්න රෙද්ද පෙරෙව්වා….

මට යසස් අයියා…ගාව නිදාගන්න හිතුනේ…… මං දැක්කා එයා මං ගාව කොච්චර සන්සුන්ද කියලා …… හරියට භාවනා කරනවා වගේ සන්සුන්…. ඉතිම් මට ඕනි උනා ඒ හැගීම එයාගෙන් ඈත් නොකරන්න……. මං එහෙම්මම යසස් අයියගේ එහා පැත්තෙන් ඇල උනා….. ඒක ඩබල් ඇදක් නිසා ඉඩේ ප්‍රශ්නයක් තිබුනේ නැ………..

☘️☘️☘️☘️☘️☘️☘️☘️☘️☘️☘️☘️☘️☘️

හිතන්නකෝ ඔයා රෑට නිදාගන්න යද්දි ඔයාට පේන view එක….. 😌

මෙහෙම එකක් උනොත්……… 🙃🙃🙃

හා හා මං හිතන්න කියලා විතරයි කිව්වේ 😏 දෙන්නේ පයින් ඒ view එක සෙනූගේ විතරයි හරිද???