À¶­À·“À¶»À·Šà¶® තිස්අටවෙනි තීර්ථය

නිවාඩු කාලේ ගෙවුනෙ අවුරුදු එක්ක… අවුරුද්දට අපේ ගෙදර බබා නැන්දා කැවිලි හැදුවට කවදාවත් අවුරුදු චාරිත්‍ර හරියට කරන්නෑ…… ඒත් මේ පාර මම අවුරුදු උත්සවේ හරියටම සැමරුවේ යසස් අයියලගේ ගෙදර හිටපු නිසා … ඇත්තටම ඒක හරිම ශෝක්…..

අවුරුදු නිවාඩුව හරිම කෙටියි…. ඉතිම් ඒක ගෙවිලා ඉවර වෙනවා දැනුනෙත් නෑ …… අවුරුදු නිවාඩුවට පස්සේ ස්කෝලෙත් තියෙනවා අවුරුදු උත්සවයක් ….. අවුරුදු කුමාරයෝ තෝරනවා…. ස්කෝලෙම හැන්ඩ්සම් කොල්ලෝ තමා මේවට එන්නේ…. ගිය පාර එක උනේ මිහිදුන් අයියා …… මේ පාර ඒ අය නැති නිසා කොමස් එකට කප් එක ගියා …….

ඒ අය නැතුව ගෙවෙන මේ දවස් හරි අමාරුයි …….. වෙනදා function එකකදි අපි කට්ටිය එකට හිටියට මේ දවස් වල මට දැනෙන්නේ මහ පාලුවක් …….

මිනිස්සුන්ට ඇබ්බැහි වෙන්න එපා කියන කතාව ඇත්ත….. කවදාවත් යසස් අයියව නම් මගෙන් ඈත් කරන්න එපා… මොකද එයා නැතුව ජීවත් වෙන්න මට දැන් මතක නෑ……..

මට යසස් අයියා නැතුව පාලුයි තමයි… ඒ උනාට මං ඉවසගෙන හිටියා …. මොකද එයාට කරදර කරන්න බෑ අගෝස්තුවේ ඒලෙවල් නේ……..  ඒ නිසා මං එයා කෝල් එකක් ගන්නකම්ම හිටියා……….

ඒත් හැමදාම වගේ වරද්දන්නේ නැතුව යසස් අයියා මට කෝල් එකක් ගන්නවා…. එයා රෑට කෝල් එකක් ගන්නකම් පාඩම් කරන්න මං පුරුදු වෙලා හිටියා ……. සමහර දවස් වලට නිකම් කෝල් එකක් ගන්න එයා සමහර වෙලාවල් වලට වීඩියෝ කෝල් ගන්නවා….. අරගෙන දවසේ විස්තර කතා කරලා දෙන්නම එහෙමමම ඇඳට යනවා ……

අදත් මං මේ ආහාර ජීර්ණ පද්ධතිය අතේ තියාගෙන බලන් ඉන්නේ යසස් අයියගෙන් කෝල් එකක් එනකම්….. ආ ආහාර ජීර්ණ පද්ධතිය කිව්වේ මේ ඇඟ ඇතුලෙ තියෙන එක නෙමේ …… බයෝ හතරවෙනි පාඩම ඉතිම් …….

” හලෝ……..”

ඇති යන්තම් පෙරුම් පුරාගෙන හිටපු කෝල් එක ආවා…. මං පොතත් වහලා එහෙම්මම පැන්නේ ඇඳට…..

” මොකද කරන්නේ චූටි??”

” පාඩම් කරා….. දැන් ඇදේ…..”

” Good boy කෝ වීඩියෝ කෝල් එකක් ගන්නවකෝ……”

මං එහා පැත්තෙන් එන වීඩියෝ කෝල් request එක accept කරා…. අම්මෝ මෙයාගේ ලස්සන….. ගේ ඇතුලෙම ඉඳල ලස්සන වෙලාද කොහෙද….. ඉස්සර නම් දකිද්දි හැමදාම මූණේ කැලැල් ඇයි ගහගෙන……. එච්චරත් තුවාල කරන් මූ තාම ඉන්නවනේ ලස්සනට…. මොනාද දන්නෑ ගාන්නේ….

” අම්මෝ මේ ඉන්නේ මගේ චූටියා… දැන් හැමදාම දකින්නැතුව පාලුයි බන්….”

” මටත් ……….”

” ඒත් ඉතිම් මේ විනාඩියට දැක්කත් සනීපයි …………… ගිම්හානේ තුහීන ගෙනා…. ඔබෙන් මා නිවෙමී…… සදාකල් හිඳිමී………..”

යසස් අයියා ඒ පදේ නම් ලස්සනට කිව්වා………

” ඔයාට සින්දු කියන්නත් පුලුවන් ද?”

” ටිකක් විතර …….”

( ගිම්හානේ තුහීන ගෙනා…. ඔබෙන් මා නිවෙමී…… සදාකල් හිඳිමී………..)

” මං දන්නෑනේ ……. “

” එහෙමනම් දැන ගන්න …… මං අද ඉඳලා හැමදාම ඔයාට සින්දු කියන්නම්…… ප්‍රේමාතුර මා ළඟින් ඉන්නේ නම් ආදරෙන්…… මං දෙන්නම් ජීවිතේ ඔබේ නමින් ලියාලා……”

” මොකද කරේ අද…..”

” කෑවා… බීවා……රීවා………”

” ඊයා අනේ මොනාද කියන්නේ ….”

” ඇයි…. ඔය හැම එකක්ම මූලික මිනිස් අවශ්‍යතා ….. ඇයි දැන් ඔයා කරන්නැද්ද?”

” කරාට ඔහොම කිවන්න්නෑනේ……”

” ඇයි මොකක්ද කියන එකේ අවුල…. ඇයි අහලා නැද්ද අර කවුද මන්දා කියනවා….. ඇත්ත කියන්නයි බිම ඉඳගන්නයි භය වෙන්න ඕනි නෑ කියලා ….”

” පණ්ඩිත කතා නම් තියෙනවා නැවක් විතර …… දැන් පාඩම් කරේ නැද්ද…..??”

” ඔය වැඩ තුන කරපු වෙලාව ඇරෙන්න අනිත් හැම වෙලේම පාඩම් තමා කරේ….”

” එහෙමනම් හොඳයි ………”

” හැමදාම ගන්න ඕනි වීඩියෝ කෝල් එකක් ……”

” අපෝ බෑ ……”

” ඇයි???”

” හැමදාම දැක්කාම අගයක් නැතුව යනවා …….”

” මට ඔයා දිහා කොච්චර බලන් හිටියත් එපා වෙන්නෑ සෙනූ….. දවසම උනත් බලන් හිටියෑකි………. හරියට භාවනාවක් වගේ…….. ඒ තරම් හිත නිවෙනවා….. දන්නවද සෙනූ…. යසස් කියන්නේ ඇවිලෙන ගින්දරක් නම් ….  සෙනූ කියන්නේ ඒක නිවන්න පුලුවන් වැස්සක්…….. “

” මෙයා දැන් කවිකාරයෙකුත් වෙලානේ…”

” මිනිස්සු සතුටින් ඉන්නකොට…. එයාලට කවි සිතුවිලි පහළ වෙනවලු…..”

” එහෙමනම් මගේ කවිකාරයෝ දැන් නිදාගන්න …….”

” අනේ තව ටිකක් ඉමුකෝ…….”

” ඒලෙවල් ඉවර උනාම ඕනි තරම් වෙලා ඉමු දැන් නිදාගන්න …….”

” හම්ම්ම් කෝ මගේ කිස් එක ??”

” මොන ??”

” ඇයි අනේ good night kiss එක …….”

” මෙයාගෙත් නාකි හුරතල්නේ තියෙන්නේ …….”

” ඒක දුන්නොත් විතරයි නිදාගන්නේ……”

මං හිමීට කැමරාවට කිස් එකක් දුන්නා…

” දැන් හරි එහෙමනම් Good night … බුදුසරණයි පරිස්සමෙන් ඉන්න …….”

” Good night බුදුසරණයි පරිස්සමෙන් ඔයත්…..”

” හරි චූ දාලා නිදාගන්න …….”

මං හොඳ දෙකක් කියන්න කලින් යසස් අයියා ෆෝන් එක කට් කරා… අම්මපා මට එන තරහා ……. මෝඩ හිකනලා…

☘️☘️☘️☘️☘️☘️☘️☘️☘️☘️☘️☘️☘️☘️

ළමයි ….. මේ කතාව ඔයාලට තව දැනෙන්න මේ සින්දුව යසස් අයියගේ පැත්තෙන් හිතන ගමන් අහන්නකෝ…..

“අහම්බෙන් අවේලාවේ පැමිනෙන අහේතුක වසන්තයකට බොහෝ දිගු වූ ගිම්හාන දහසක් පැරදවිය හැකි වග පසක් කර දුන්නේ නුඹය…

අතහැර දැමූ කටු පඳුරක වුව යලි මල් පිපෙන්නට හැකි වග ඔප්පු කර පෙන්වූයේ නුඹය…

නිමා නොවෙතැයි සිතන දිගු රැයක් අවසනද කෙසේ හෝ හිරු නැගෙන වග කියා දුන්නේ නුඹය…

සියල්ලටම අවැසි ඉවසීම පමනක් වගත් ජීවිතයට ප්‍රාතිහාරයන් ප්‍රාදුර්භූත වන්නේ නොපැතූ ලෙස වගත් අවසන මම වටහාගතිමි…

ඉතිං වස්සානයට පසුව මා වෙතට එන වසන්ත කාර්තුව. නුඹව ප්‍රේමණීයම සැදෑවක බදා වැළඳගමි.”

Artist – Buddhima Niyuni
Lyrics – Shalika Dissanayake

අහලා මට අදහස් කියන්න ළමයි………….