À¶­À·“À¶»À·Šà¶® හතලිස්වෙනි තීර්ථය

Prize giving එකෙන් පස්සේ මට තිබ්බ ලොකුම වැඩේ තමා යසස් අයියගේ හිත හදන එක මොකද එයාලට ඒලෙවල් කට උඩටම ඇවිත් තිබ්බ නිසා …. අයියා හොඳට පාඩම් කරත් ඒලෙවල් ලං වෙද්දි එයා හිටියේ හොඳටම කලබල වෙලා ….

හැමදාම හවසට කතා කරලා එයාගේ හිත හදන එක තමා මගේ රාජකාරිය … මුලින්ම එයාලට තිබ්බේ Pure paper එක …. ඉතිම් මං එදා උදේම ස්කෝලෙ ගාවට ගියේ මං පන්සල් ගිහින් ලොකු හාමුදුරුවන්ගෙන් ඉල්ලන් ආපු පිරිත් නූල එයාගේ අතේ ගැට ගහන්න…..

” සෙනූ……..”

” අයියේ… කලබල නැතුව විභාගේ හොඳට කර ගන්න අයියට බුදුසරණයි ….”

මං පිරිත් නූල එයාගේ අතේ ගැට ගහන ගමන් කිව්වා…. අපේ ස්කෝලෙ විභාග මධ්‍යස්ථානයක් හින්දා අපිට ස්කෝලෙ ඇතුලට යන්න දෙන්නෑ මේ දවස් වල…

” Thankyou සෙනූ මාව බලන්න ආවට… ඔයාව දැක්කා කියන්නේ මට කලබලයක් නැතුව විභාගේ කර ගන්න පුලුවන් වෙයි…..”

” මාව දැක්කා කියලා නෙමේ ඔයාට කොහොමත් හොඳ රෑන්ක් එකක් දාන්න පුලුවන් අයියේ…….. “

මං කවුරුත් දකින්න කලින් ඉස්සිලා ඒ නලට පොඩි හාදුවක් දුන්නා….

” ගිහින් හොඳට කරලා එන්න…..”

මං යසස් අයියට විෂ් කරලා එවෙලේ එතෙන්ට ආපු මිහිදුන් අයියටයි නදීක අයියටයිත් විෂ් කරලා තමා ගෙදර ආවේ….

විභාගේ තිබ්බ සති දෙකේ යසස් අයියා එක්ක කතා කරේ විනාඩි දහයක් විතර … ඉතිම් එයා නැතුව ගෙවුන මේ සති දෙක මට නිකම් අවුරුදු දෙකක් වගේ…… පොදු පරීක්ෂණය දවසට කලින් දවසේ යසස් අයියා මට msg එකක් දාලා තිබ්බා විභාගේ ඉවර වෙන වෙලාවට ස්කෝලෙ ගාවට එන්න කියලා …..

ඉතිම් මං ලා නිල් පාට ඩෙනිමට නෝමල් කහ පාට ටී එකක් දාගෙන ස්කෝලේ ගේට්ටුව ගාවට වෙලා හිටියා ….. විභාගේ ඉවර වෙලා ළමයි එනවත් එක්කම ගේට්ටුව ගාව පිරෙන්නේ අලුත් ටියුෂන් වලට කොල බෙදන කට්ටිය…. මුන් එක්ක මට තරහෙත් බෑ … ළමයින්ට නිදහසේ විභාගයක් කරලා එන්න නෑ… රිවිෂන් වල කොල බෙදනවා…….

මං ගේට්ටුව දිහා බලාගෙන ඉද්දි හිනාවේගෙන දුවගෙන ආපු යසස් අයියා මගේ ඇටකටු පොඩි වෙන්න තරම් හයියෙන් මාව බදාගත්තා ……..

” ඔය පොඩි එකාව අත ඇරපන් යසස්…. උගේ හුස්ම හිර වෙලා මෙතනම කූරියා ගහයි…..”

යසස් අයියත් එක්කම ආපු නදීක අයියා මිහිදුන් අයියටත් පෙන්න පෙන්න හිනා උනා…..

” කොච්චර කාලෙකින්ද අනේ මෙහෙම හග් කරන්නේ……….”

” හරි හරි උඹට හග් බැරි නම් බග් හරි කරන්න …… ඕකගේ ජීවිතේ ඉතුරු කරලා …… එහෙමනම් අපි යනවා යසස්…… යනවා මල්ලී…..”

ඒ දෙන්නා අත වනලා ගියාම මං යසස් අයියා දිහා බැලුවා……  විභාගේ ටිකේ එයා ආවේ බස් එකේ….. බයික් එකේ නෙමේ ………..

” අපි කොහෙද යන්නේ??”

” අපි යමු මොනාහරි කන්න…….”

ඉතිම් අපි එදා කඩවල් ගොඩක ඇවිද්දා…. කෑවා බිව්වා ෂොපින් කරා….. මාත් හිටියේ හරි සතුටින් දැන් මට ආයේ කාලයක් යනකම් යසස් අයියා එක්ක ඉන්න පුලුවන් නිසා …….

නිවාඩුව ඉවර වෙලා අලුත් වාරේ පටන් ගත්තේ අපිව අලුත් පන්ති වලට දාලා ……… කිව්වත් වගේ අපි දැන් ඉන්නේ දහතුන වසරේ….. මායි තේව්යි නම් මේ වෙද්දිත් සිලබස් ඔක්කොම ඉවර කරන් හිටියේ 2017 ක්ලාස් වලටත් ගිහින්……. ඒ නිසා අපිට දැන් full papers උනත් කරෑකි……

ඉතිම් අද අපේ ස්කෝලෙට අලුතින් දොලහාවසර බාර ගත්තා …… Main hall එකේ පොඩි function එකක් තියලා ස්කෝලෙ ගැනයි නීති ගැනයි දැනුවත් කරලා එයාලව පන්ති වලට එව්වා…. පන්ති වලදිත් එයාලට science section එක ගැනයි….. විනය තියාගන්න ඕනි විදිහ ගැනයි උපදෙස් ටිකක් අපේ අංශභාර සර් කියලා දීලා එයාලව පන්ති වලට බෙදනවා…….. මං කලිනුත් කියලා තියෙනවා වගේ අපේ ස්කෝලේ බයෝ පන්ති 3යි මැත්ස් පන්ති 3යි තියෙන්නේ … ඒවා තමා G,H,I,J,K,L class ටික …… G,H,I Maths class…. J,K,L Bio class… මං ඉන්නේ 13 – K එකේ… හැමෝම කියන විදියට එපාම කරපු පන්තිය… ඒ උනාට ලකුණු වැඩිම පන්තිය…..

හිතුව විදිහටම මේ පාර Head prefect උනේ අපේ චේතිය… යාලුවෙක් Head prefect උනා කියන්නේ ඉතිම් මුලු ස්කෝලෙම අපේ වගේ තමා  😌

☘️☘️☘️☘️☘️☘️☘️☘️☘️☘️☘️☘️☘️☘️

( චේතිය ලක්ෂාන් අමරසිංහ )

( නදීක අභිසෙස් දේවප්‍රිය)

( ශ්වේතා සත්යාංගි පෙරේරා )

හැදින්වීමෙදි අදුන්නලා නොදුන්න චරිත ටිකක් …… ඉස්සරහට ඕනි වෙයි……