À¶­À·“À¶»À·Šà¶® හැත්තෑපස්වන තීර්ථය

මං හිටියේ ඈතින් බැහැගෙන යන ඉර දිහා බලාගෙන….. අවුරුදු දෙකකට විතර කලින් මං භය උනා ආයේ බීච් එකකට එන්න….. ඒත්…. අද මං ජීවිතේ සැනසිලි දායකම හැඟීම විඳිනවා…..

මං මේ එන මුහුදු හුළඟත් එක්ක ලොකු හුස්මක් අරන් බැලුවේ මගේ එහා පැත්තෙන් ඉන්න මනුස්සයා දිහා…… තාමත් ඒ නපුරු රූපේ මගේ හිතේ ගැස්ම වැඩි කරනවා…… ඒ වගේම ඒ මායාකාර ඇස්…. ඒවට පුලුවන් තාම මාව ලොක් කරන්න ……….. මං එහෙම්මම ඒ කම්මුලකට පොඩි හාදුවක් දුන්නා………..

ඒත් එක්කම යසස් අයියා මගේ අත අරන් පුංචු හාදු ගොඩක් තිබ්බා……

” සෙනූ………….”

” ස්තූතියි ගොඩක් ……………..”

” ඒ මොකටද??…………….”

” මාව සම්පුර්ණ කෙරුවට…….. ඉස්සර යසස් කියන්නේ යකෙක්…. කිසිම තෙතමනයක් හිතේ නැති …. කොයි වෙලෙත් රණ්ඩුවට යන නිතරම ඇවිලෙන මනුස්සයෙක් ……… ඒත් සෙනූ ඒ හැමදේම වෙනස් කරා….. මට මාව හොයාගන්න උදව් කරා….. දන්නවද සෙනූ…. මට දැන් මං ජීවත් වෙනවා වගේ දැනෙනවා……. මං හැමදාම කියනවා වගේ ඔයා ඉස්සරහ මං නිමෙන්නේ පුදුම විදිහකට ….. “

” ඔයාටත් ස්තූතියි මාව දරා ගත්තට අයියේ….. නූල් බෝලයක් වගේ පැටලිලා තිබ්බ මගෙ ජීවිතේ එකින් එක ගැට ලෙහලා…. ලස්සන කරේ ඔයා …. මගේ ජීවිතේට වටිනාකමක් දුන්නේ ඔයා …… කවුරුත් නැති වෙද්දි මං වෙනුවෙන් ඔයා හිටියා…. ඉතිම් මගේ අයියේ මං ඔයාට මග හුඟක් ආදරෙයි …….. මෙච්චරයි කියන්න බැරි තරමට මං ආදරෙයි ……….”

” මාත් උඹට ආදරේ සෙනූ…… මං උඹව දකින්නේ එදාද අදද හෙටද මට අදාළ නෑ ඒ හැම දවසකම මං ඔයාට වැඩි වැඩියෙන් ආදරෙයි සෙනූ………..”

මං ඒ හයිය උරහිසක ඔලුව තියා ගත්තා ….. මගේ සැනසීම හැමදාම තිබුනේ මේ හෙවන යට…… හැමදේම හොඳම විදිහට සිද්ද නොවුනත් අද හැමෝගෙම ජීවිත සතුටින් පිරිලා……

” ඉස්සරහට අමාරු කාලයක් එයි නේද…”

යසස් අයියා කිව්වේ ඈත මුහුද දිහා බලන්……..

” හම්ම්…..ඔව් වගකීම් ගොඩක් වැඩි වෙයි….. ඒත් භය වෙන්න එපා…. මේ හැමදේකටම අපි මූණ දෙමු…. අනිත් හැම දේකටම මූණ දුන්නා වගේ…. මං ඔයාගේ ළඟින් ඉන්නවා……”

” එයා ලොකු වෙලා අහයි අම්මා කෝ කියලා ………”

” අපි එයාට තේරුම් කරමු එයාගේ අම්මයි තාත්තයි දෙන්නම අපි කියලා …… එයා තේරුම් ගනියි…. එයා අපි දෙන්නටම ආදරේ කරයි අයියේ භය වෙන්න එපා…….”

මං කිව්වේ ඈතින් කවිත්මා එක්ක සෙල්ලම් කරන පසිදු දිහා බලන්…..

ඔව් අපි දෙන්නා තීරණය කරනවා එදා ළමා නිවාසෙට ගිහින් ආවට පස්සේ පසිඳුව හදාගන්න ගන්න …… අද අපි සවිඳිලා එක්ක බීච් ආවේ ටිකක් විනෝද වෙන්න …………..

” සෙනූ දන්නවද…. අපි හැමෝගෙම ජීවිත හරියට අර මුහුදේ යන නැව් වගේ….. “

” ඒ කිව්වේ??”

” අපි හැමෝම මේ ජීවිත ගමනේ යනවා හරියට නැවක් මුහුදේ යනවා වගේ…. ඒත් සෙනූ දන්නවද…. එක දිගට නැවකට උනත් මුහුදේ යන්න බෑ ….. ඒකට නවතින්න තොටුපලක් ඕනි….. රලු රැලි කුණාටු එක්ක ගමන් කරන ඒ නැව සැනසීමක් ගන්නේ ඒ තොටුපලෙන්…….”

” ම්ම්ම් ඔව්……”

” සෙනූ තමා මේ යසස්ගේ තොටුපොළ ……. ඉතිම් මං හැමදාම ඒ තොටුපලේ නැංගුරම් දැම්මා…….. ඔයා තමා යසස් කියන තීරථකයගේ…. සෙනූ කියන තීර්ථය …….. ඉතිම් මං මේ තීර්ථය ගාව හැමදාටම නවතින්න නැංගුරම් දැම්මා….. “

යසස් අයියා…. මගේ අත දිග් කරලා කියද්දී….. මං ඒ තොල් වලින් පුංචි හාදුවක් තියලා ඇස් දෙක පියාගෙන ඒ සැනසීම වින්දා….

” මං ඔයාට හරි ආදරෙයි අයියේ……….”

” මාත් චූටිට කියාගන්න බැරි තරම් ආදරේයි…….”

හිස් මුදුනට පුංචි හාදු දැනෙද්දී මගේ මූණේ ලාවට හිනාවක් ඇදුනේ මටත් නොදැනෙන්නයි………

☘️☘️☘️☘️☘️☘️☘️☘️☘️☘️☘️☘️☘️☘️

මිහිදුන් අයියාගේ දිනපොතෙන් කොටසක්……..

ආදරනීය දිනපොත,

යසස් ඔයා හරි ආදරනීය ආදරවන්තයෙක්…. එතකොට මගේ මල්ලි සෙනුල්ය…. එයා හරි වාසනාවන්ත මනුස්සයෙක් ….. එතකොට මං?? මං අවාසනාවන්තයි කියන්නේ නෑ…. ඔයා වගේ යාලුවෙක්වයි …. සෙනුල්ය වගේ සහෝදරයෙක්වයි ලැබුන මමත් වාසනාවන්තයි…… මං ඔය දෙන්නට සුභ පතන්නේ හදවතින්මයි…. ඒත් යසස් මේ ආත්මේ විතරයි හාද??? සෙනුල්ය මගේ යසස්ව පරිස්සමෙන් බලාගන්න …… මං diary ලියන්න පටන් ගත්තේ ඔයා හින්දා යසස්…. ඉතිම් අදින් මං diary ලියන එක නවත්තනවා…. තව දුරටත් මේක සම්පුර්ණ කරන් ගියාට වැඩක් නෑ…. මොකද ඔයාගෙයි මගෙයි කතාවත් මේ වගේම අසම්පූර්ණ නිසා….. දෙවියෝ මේ ආත්මේ මට ඔයාව ලියලා දීලා නෑ යසස්… ඉතිම් මේ ආදරේ මේ හිතේම තිබුනාවේ……..

මම නවතින්නම්……

සඳ එලිය පොළවටයි හිමි වූයේ… සඳ අහසේ රැඳුනාට රත්තරං ……..

                           මිහිදුන් තිවංක රාජසූරිය
                 

එයාට ආදරේ කරන්න මොකටද මට හේතුවක්…….

2018.03.11

( මිහිදුන් අයියගේ හැඟීමෙන් අහලා බලන්න …..)

☘️☘️☘️☘️☘️☘️☘️☘️☘️☘️☘️☘️☘️☘️

                           නිමි.

මෙච්චරකල් මාත් එක්ක හිටියට ස්තූතියි … ඕතරීට දෙයක් කියන්න තියෙනවා මතක් කරලා ඒක කියවන්න්.. 👉👉👉👉👉👉👉👉👉👉👉👉👉👉

ආදරේ ගොඩක් මං පූජා… 😘