À¶´À·Œà¶¯ À·€À¶»À·Šà·‚À· (Ongoing) 05 කොටස💐~

” ආව් කවුද අනේ මේ කියුට් කොල්ලා.. “

දැහැනකට සම වැදුනා හා සමානවම තිශාක්‍යගේ සින්දු ඉවර වෙලත් එයා දිහා බලන් ඉද්දි.. මට පිටු පස්සෙන් ගෑණු කෙනෙකුගේ කටහඩ ඇහුනා.. ඒ නිසාම මම පිටි පස්ස හැරුනාම එතන හිටියෙ තිශාක්‍ය ගේ අක්කා.. එදා මල් ගන්න තිශාක්‍ය ත් එක්ක ආපු කෙනා.. එදා වගේම අදත් එයා ලස්සනයි.. වචනයේ පරිසමාප්ත අර්ථයෙන්ම අක්කටයි, තිශාක්‍ය ටයි තිබ්බෙ එකිනෙකාට ආවේ නික වුන ලස්සනක්.. ඕනම කෙනෙක්ට දෙපාරක් හැරිලා බලන්න හිතෙන ලස්සනක්..

” කොහොමද චූටියෝ.. “

එයා ඇහුවෙ මගේ එහා පැත්තෙන් වාඩි වෙන ගමන්..

” හොදයි.. “

මට පොඩි අපහසුවක් දැනුනා.. සමහරවිට.. ඉස්සෙල්ලාම අක්කත් එක්ක මේ විදිහට කතා කරනවා වගේ.. මේ ගෙදර හැමෝමත් එක්කම ඉස්සෙල්ලාම කතා කරද්දි හිතේ ඇති වුන චකිතය පොඩ්ඩක් අඩු උනාත් ඒක නැත්තටම නැති වෙලා නෑ..

” ම්ම්.. ඉතින් ඔයාගෙ නම මොකක්ද.. “

හරි ලස්සන හිනාවක්.. තිශාක්‍ය ගේ අම්මට තියන හිනාව මයි අක්කටත් තියෙන්නෙ..

” රිශූ.. රිශූ අභිත් පිනිබිඳු කුලතුංග.. “

” ආව්.. චූටි වගේම තමා චූටියගෙ නමත්.. කියුට් අනේ ඔයා.. “

මම හිනා උනා.. අක්කා කතා කලේ මගේ කම්මුලකුත් මිරිකන ගමන්.. මේ ගෙදර මිනිස්සු මේ තරම්ම කරුණාවන්ත ඇයි කියන්න මට තාම හිතාගන්න බෑ..

” අක්කගෙ නම?? “

මෙච්චර වෙලා කතා කරාට නම දන්නෙ නැති නිසා මම අක්කගෙන් නම ඇහුවා..

” ම්ම්.. යෙනුජි.. යෙනුජි රතීෂා ආක්ෂි වීරවංශ.. “

යෙනුජි රතීෂා ආක්ෂි වීරවංශ

” ලස්සනයි.. ඔය දෙන්නගෙ නම් එක වගේ.. නේද??.. “

” ඔව්.. මම රතීෂා, පොඩි රතිෂ්, තව මම ආක්ෂි, මෙයා ආක්ෂිව්.. “

” ඕ.. “

මම ඇස් දෙකත් ලොකු කරන් ඔලුවා වැනුවා..

” මෙයා ද පොඩී ඒ.. “

මන් හිතන්නෙ අක්කා ඒක අහන්න හිටියෙ සෑහෙන වෙලාවක ඉදන්.. ඒත් මම කවුද කියලා ඇහුවෙ ඇයි..

” ම්ම්.. “

මම දිහා බලාගෙන තොල් තද කරන් තිශාක්‍ය ම්ම් ගෑවා.. මොනාද මෙයාලා කතා වෙන්නෙ.. කතා වෙන දෙයක් මටත් කිව්ව නම් හරිනේ..

” හිතන්න එපා චූටියෝ.. පස්සෙ දැන ගන්න හම්බෙයි.. “

අක්කා කිව්වෙ මගේ ඔලුවත් අත ගාන ගමන්.. හරියට මම හිතපු එක එයාට ඇහුනා වගේ..

” මම යනවා වොෂ් එකක් දාන්න.. පස්සෙ කතා කරමුකෝ.. ම්ම්.. “

මම ඔලුව වැනුවා ම අක්කා නැගිටලා ඇතුලට ගියා..

මම තිශාක්‍යයි විතරක් ඉතිරි වෙද්දි.. විනාඩි ගානක් යනකම් අපි අතර නිහඩනතාවය රජ කලා.. ඒත් මගේ හිතේ සෑහෙන වෙලාවක ඉදන් තිශාක්‍ය ගෙන් අහන්න හිටිය ප්‍රශ්නේ නිහඩතාව පරද්දන ගමන් මම එයාගෙන් ඇහුවා..

” අයියා මොනාද කරන්නෙ ඒ ලෙවල් වලට.. “

” මම කිව්වා නේද මට අයියා කියන්න එපා කියලා ම්ම්.. “

” ඒත්.. මම ආසයි ඔයාට අයියා කියන්න.. ඔයා අකමැති නම් නොකියා ඉන්නම්.. “

” ම්ම්.. මැත්ස්.. “

” අහ්.. “

” මම ඒලෙවල් වලට කරන්නේ මැත්ස්.. “

” ආ.. ක්ලාස් යනවද.. “

” තාම නෑ.. “

” මැත්ස් නම් යන්න ඕන නේද.. “

” ම්ම්.. ඔයාත් යන්න ඕන පිනිබිඳු.. “

” මම?? “

” ම්ම්.. “

” ඒත් සල්ලි.. “

” සල්ලි ගැන වද වෙන්න එපා ම්ම්.. අපේ අප්පච්චි කිව්වා නේ ඕවා ගැන හිතන්න එපා කියලා.. ම්ම් “

” ඒත්.. “

” ඒත් මේත් නෙවෙයි පිනිබිඳු.. ඔයා හොදට ඉගෙන ගන්න.. ඊට පස්සෙ කැම්පස් යන්න.. ම්ම්.. එතෝට අපේ අප්පච්චිට ආයෙත් සල්ලි හම්බුනා වගේ තමයි.. “

මම මුකුත් කියන්න ගියේ නෑ.. ඒ වෙනුවට මගේ හිතට අද දවසෙ එක්දාස් නවසිය අනූ නවවෙනි වතාවටත් ආවෙ එකම එක දෙයයි..

කොහොමද මේ මිනිස්සු මෙච්චරටම කරුණාවන්ත උනේ..

අද සදුදා.. දැන් වෙලාව පාන්දර පහ මාරට විතර ඇති.. අද තමා මම ස්කෝලෙට යන පලවෙනි දවස.. මම විතරක් නෙවෙයි තිශාක්‍යත්!!

ගිය දවස් ටිකේම ස්කෝලෙ වැඩ වලටයි.. ස්කෝලෙට අවශ්‍ය පොත් පත් ගන්නයි, ඇදුම් ගන්නයි වගේ දේවල් වලට කාර්ය බහුල උනා.. මමයි අම්මයි කොච්චර එපා කිව්වත් මොකද අපිට ඇදුම් කන්දරාවක් නෝන අරන් දුන්නා.. ඇත්තටම ගොඩක් පින් මේ මිනිස්සුන්ට ඉන්න හිටින්න තැන් දීලා කන්න බොන්න දීලා ඇදුම් සපත්තු වගේ දේවල් අරන් දීලා.. ස්කෝලෙකටත් දාලා දුන්නනේ.. මෙයාලට තමා කියන්නෙ මිහි පිට දෙවි වරු කියලා..

මේ දවස් ටික ඇතුලත අක්කා ගොඩක් මාත් එක්ක එකතු උනා.. එයා හැමවෙලාවේම තිශාක්‍ය ඉන්න තැන කිව්වෙ.. ‘ පොඩී මම උබව මල්ලි කමෙන් අයින් කලා.. දැන් මට ඉන්නවා කියුට් ෂෝයි මල්ලි බබෙක්.. තමුසෙ වගේ බුම්මන් නෙවෙයි මෙයා ඉන්නෙ හැමවෙලේම හිනා වෙලා.. ‘ කියලා.. අක්කා හරි හොදයි.. සහෝදරියක් නොහිටිය මට ඇත්තම සහෝදරියක් උනේ අක්කා..

එතකොට තිශාක්‍ය ගැන කිව්වොත්.. ම්ම්.. අපි වැඩිය කතාවක් බහක් නෑ.. එයා කොහොමත් ටිකක් ලොකු කමෙන් ඉන්න නිසා වෙන්න ඇති.. හැබැයි එයා සින්දු කියද්දි මම ලගට වෙලා අහන් හිටියා වගේම මම සින්දු කියද්දි එයත් ලගට වෙලා අහන් හිටියා.. හැම දවසකම වගේ..

” රිශූ.. පුතේ ඔයාගෙ ඇදුම.. “

සමී නැන්දා.. ඔව් ඒ තිශාක්‍යගේ අම්මා.. මම හැම වෙලේම නෝනා කියලා කතා කරපු කෙනා.. එයා මට තර්ජනය කලානේ නෝනා නෝනා කියන්න එපා කියලා.. මට විතරක් නෙවෙයි අම්මටත්.. ඒ නිසා මම එයාට සමී නැන්දා කියන්නත්, අම්මා එයාට නන්ගි කියන්නත් පුරුදු උනා.. ඒ වගේම වීරවංශ මුදලාලිට මම මාමා කියන්නත්, අම්මා අයියා කියන්නත් පුරුදු උනා..

දැන් අපියි තිශාක්‍ය ලයි හරියට පවුලක් වගේ.. එයාල යන හැම තැනකම වගේ අපිවත් එක්ක ගෙන ගියා..

” ගුඩ් මෝනිම් නැන්දා.. “

මම නැන්දා අතේ තිබ්බ සුදු ඇදුම අතට ගන්න ගමන් කිව්වා..

” ගුඩ් මෝනිම් පුතා.. වොෂ් එකක් දාන් ලෑස්ති වෙලා එන්නකෝ කන්න.. “

” හරී.. “

සුදු ඇදුම ඇද උඩින් තියලා, පොත් බෑග් එකත් හදපු මම වෙලාව බලද්දි දැක්කේ වෙලාව හයට පහයි කියලා.. එහෙම්මම ට
තුවායත් කරට දාගෙන වොෂ් රූම් එක ගාවට යනවත් එක්කම වොෂ් රූම් දොර ඇරගෙන එලියට ආවේ තිශාක්‍ය.. උදේම නාලා වගේ.. දෙයියනේ.. මගේ හුස්මත් හිර වුනා..

එයා තෙත කොණ්ඩෙත් අතින් ගස ගස තමා එලියට ආවෙ.. ඉන ගාවින් සුදු පාට තුවායක් පටලන් හිටපු එයාගෙ ඇත් දල පාට ඇග දැක්කාම මට පණ යන්න ආවා.. ඒ තරමටම එයාගෙ ඇග ලස්සනයි.. හරියටම බැලුවොත් තිශාක්‍ය මම වගේ තුන් ගුණයක් විතර ඇති..

” බලලා ඉවර නැද්ද.. ම්ම්.. “

මට මේ ලෝකෙ සිහියක් තිබ්බෙ නෑ.. අඩුම එයා මගේ ලගට ඇවිල්ලා කියලා දන්නෙත් මම දැන්.. එයා කතා කරපුවාම.. උදේ නිසාමදෝ මන්දා එයාගෙ කටහඩ පුදුම විදිහට ගොරෝසුයි.. ආශ් මට ලැජ්ජයි අයියෝ!!

එයාගෙ පපුවට වැටිලා තිබ්බ ඇස් දෙක මම එයාගේ මූණට අරන් යද්දි එයා හිටියේ මම දිහා බලාගෙන.. මට තඩී~ කෙල ගුලියක් ගිලුනා.. මාව ගිනි ගන්නවා වගේ.. මුලු ඇගම රත්වීගෙන ආවා.. එයාගෙ මූණෙන් කලබලෙන් ඇස් අහකට ගත්තු මම කෙලින්ම බාත් රූම් එකට රින්ගලා දොර වහගත්තා.. මගේ පපුව ගැහෙනවා එකසිය ගානට.. හරියට නිකන් ගම හරහා දුවලා වගේ.. විනාඩි ගානක් දොරට හේත්තු වෙලා පපුවටත් අතත් තියා ගත්තු මම දත් මැදලා ශවර් එක යටින් හිට ගත්තේ ගිනි ගෙන ඉන්න මාව සීතල වෙලා යයි කියලා හිතලා..

” බුදු සරණයි.. හොදට ඉගෙන ගනින් සුදු මහත්තයා.. “

මම අම්මට වැන්දා.. අපි දැන් මේ ස්කෝලෙ ට යන්න හදන්නෙ වෙලාව.. හයයි හතලිස් පහට විතර ඇති.. අම්මට වැදලා එයාගෙන් සුපුරුදු පරිදි හම්බෙන නලලට ලැබෙන සිපගැනීමත් අරන් නැන්දටයි මාමටයිත් වැදලා ආශිර්වාද ගත්තා.. ගෙදරින් එලියට බහින්න කලින් මගෙයි තිශාක්‍ය ගෙයි ඔලුව අත ගාපු නැන්දා,

” හොදට ඉගෙන ගන්න ඕන මගේ කොල්ලො දෙන්නා.. තිශාක්‍ය මල්ලි ගැන පොඩ්ඩක් බලන්න.. “

” ම්ම්.. “

උදේ හතයි දහය විතර වෙද්දි අපි ස්කෝලෙට ආවා.. මම ජීවිතේ පලවෙනි වතාවට මේ වගේ ස්කෝලයක් දැකපු මේ ස්කෝලෙ මම කලින් ගියපු ස්කෝලෙ වගේ පස් හය ගුණයක් ලොකු ඇති.. ලමයි දෙදාහකට තුන්දාහකට ආසන්න ප්‍රමාණයක් ඉන්නවා මේ ස්කෝලෙ.. ඒ වගේද පුදුමාකාර ලස්සනක් තිබ්බෙ..

කෙල්ලො කොල්ලො මිශ්‍ර පාසලක්.. ලස්සන ලස්සන කෙල්ලො කොල්ලො හැමතැනම මම දැකපු ගොඩක් කෙල්ලොන්ගෙ කොණ්ඩෙ තිබ්බෙ පස්සටත් පහලට වෙන්න..

එක එක බහු බූත හිත හිත කාර් එකෙන් මායි තිශාක්‍යයි බැස්සා.. අපි දෙන්නගෙම බාරකාරයා විදිහට ආවෙ මුදලාලි මාමා.. අම්මයි නැන්නදයි එන්න හිටියත් එයාලා එන්න ඕන නෑය කියලා මාමා විතරයි ආවෙ.. කොහොමින් කොහොම හරි ඔෆිස් එක පැත්තට ඇවිදන් ගියේ තිශාක්‍ය මාත් එක්කම සමාන්තරව ඇවිදන් යද්දි..

” බයයි ද.. “

උදේ එයාව තුවාය පිටින් දැක්ක පාර කතා කරපු පලවෙනි පාර.. මම මූණ උස්සලා එයා දිහා බැලුවා..

” ටිකක්.. “

” බය වෙන්න එපා.. මම ඉන්නවනේ.. “

එයා මගේ අතක් අල්ලලා එක පාරක් මිරිකලා අත අරින ගමන් කිව්වා..

මම එයා දිහා බලාගෙන ඔලුව වැනුවෙ එයා ඉන්නකම්.බය වෙන්නෙ නෑ කියලා..

ඔෆිස් එකට ගිහින් ඒකෙ වැඩ ටිකත් ඉවර කරලා කෙලින්ම ගියේ අපේ පන්ති පැත්තට ඇවිද ගෙන.. මේකෙ උසස් පෙල වසර තුනක් තියනවා එකක් 12 පලවෙනි වසර ඒ කියන්නෙ අපි, අනික 12 දෙවන වසර ඒ කියන්නෙ තිශාක්‍යලා, එතෝට 13 වසර ඒ කියන්නෙ මට වඩා අවුරුදු දෙකක් වැඩි මල් අය.. මේ විදිහට උසස් පෙල පන්ති තුනක් තියෙන්නෙ කොරෝනා නිසා ඒ ලෙවල් පරක්කු වුන හින්දා.. 13 අය මේ අවුරුද්දෙ අග නැත්තම් මුල් වගේ එක්සෑම් ලිව්වොත් තිශාක්‍ය ලා 13 වසරට වැටෙනවා..

ආර්ට් 12 පලවෙනි වසර තිබ්බෙ දෙවනි තට්ටුවෙ.. ආර්ට් 12 තුන්වෙනි වසර තිබ්බෙ ඒ බිල්ඩින් එකේම තුන්වෙනි තට්ටුවෙ යටම තට්ටුවේ තිබ්බෙ මේන් හෝල් එක.. ඉතින් ඉස්සෙල්ලාම මාව මාමා එක්කගෙන අදාල පන්තියට ගිහින් බාර දුන්නා.. පන්තිය 12-A.. ටීචර් එක්කත් ටිකක් කතා කරලා මාමා මටත් යනවා කියලා ඔලුවත් අත ගාගෙනම තිශාක්‍ය ව පන්තියට දාන්න ගියා..

” ලමායි… නිශ්ශබ්ද වෙන්න.. “

ටීච එහෙම කිව්වෙ මේසෙට අතින් තට්ටුවක් දෙකක් දාන ගමන්..

” අද අපේ පන්තියට අලුත් යාලුවෙක් ආවා ලමයි.. මම හිතනවා ඔයාලා එයාව බලාගනී කියලා.. “

ඊගාවට ටිච හැරුනෙ මගේ පැත්තට..

” පුතාව අසුන්වල දෙන්න.. නමයි, ආව ස්කෝලෙයි, කරන විශයන් ටිකයි කියන්න.. “

ටීචට ඔලුව වනපු මම කතා කරන්න ගත්තේ.. මගේ කටහඩ වෙව්ලනවා.. පලවෙනි වතාවනේ.. හිතට බයයි.. බයම ද නැත්තම් තිශාක්‍ය නැති එකද කියලා කියන්න මම දන්නෙ නෑ..

” ම්ම්.. මම රිශූ අභිත් පිනිබිඳු කුලතුංග.. මම ආවෙ ### ස්කෝලෙන්.. ම්ම් මම කරන්නෙ මීඩියා, සිංහල, නැටුම්.. “

මගේ අත් එකට එක පටලවන් පන්තියේ ලමයි දිහා බලාගෙන කිව්වා..

” එකායි, දෙකයි, තුනයි… “

” පන්තියට පිලිගන්නවා.. “

එක පිරිමි ලමේක් එකයි දෙකයි තුනයි කියලා ගණන් කරලා ඉවර උනාම පන්තියේ ඔක්කෝම ලමයි.. කෙල්ලො කොල්ලො බේදයක් නැතිවම කෑ ගැහුවා..

” අඩෝ මෙතනට වරෙන්.. “

අර ගණන් කරපු කොල්ලා හිනා වීගෙනම අත වනලා මට එයාට එහා පැත්තෙ තියන ඩෙස් එක පෙන්නලා එන්න කියද්දි.. මම හිමින් හිමින් එතනට ගියා.. ඒ කොල්ලා හිටපු පෝලිම පිටි පස්සෙ එකට ඉස්සරහා පෝලිම.. ඒකෙ ඩෙස් හතරක් තිබ්බා.. මම එතනට ගිහින් ඉද ගත්තා..

” හායි.. “

” හායි.. “

” හායි.. “

ඒ පෝලිමේ හිටපු ඔක්කොම ටික අත වනලා හායි කියද්දි මමත් අත වනලා හිනා උනා..

” ඉතින්.. නම රිශූ කිව්වා නේද.. “

” ඔව්.. “

ඒ අර ගණන් කරපු කොල්ලා..

” ම-.. “

” නිපුන්… “

එයා තව මොනා හරි කියන්න යද්දිම ටීච කතා කලා.. මම හිතන්නෙ ඒ එයාගෙ නම..

” ඔයත් මීඩියයි, නැටුනුයි, කරනවා නේද.. “

” ඔව් මැඩම්.. “

” ම්ම්.. පාඩම් ටික කියලා දෙන්න.. “

” හරි මැඩම්.. “

” ආ රිශූ.. සිංහල කරන කෙනෙක් ගෙන් පොඩ්ඩක් අහලා වැඩ ටික අහගන්න පුතේ.. “

” à·„.හරි මැඩම්.. “

” මම දැන් යනවා.. දැන් තියෙන්නෙ දෙවනි කාණ්ඩෙනෙ විශයන් වලට යන්න.. “

” හරී.. ආයුබෝවන් මැඩම්.. “

ලමයි හැමෝම පුටුවලින් නැගිටලා ආයුබෝවන් කියද්දි මමත් නැගිටලා ටීචට ආයුබෝවන් කිව්වා..

” ආයුබෝවන් ලමයි.. “

” මම නුවන්.. නුවන් ප්‍රභාශ්වර.. දැන් තියෙන්නෙ නැටුම්.. “

” අහ්.. “

” යමු.. “

” හා.. “

මම බෑග් එකට අත දාලා පිටු දෙසීයෙ පොතකුයි පැන්සල් පර්ස් එකයි අතට ගත්තා..

” ඕගොල්ලො නැටුම් නෙවෙයි ද.. “

මම ඇහුවෙ අපේ පෝලිමේ ඉන්න අනිත් දෙන්නගෙන්..

” නෑ.. මම මියුසික්, මූ ජපන්.. “

” අහ්.. “

” උබලව අදුන්වලා දීපන් යකෝ.. ඉස්සෙල්ලාම.. “

ඒ නුවන්..

” à·„à·™ à·„à·š.. මම පසන් ධනංජය.. “

” මම ශෙහාන් මාධව.. “

මම නුවන් පස්සෙන් ගියා.. මොකද මම නැටුම් කාමරේ තියන දිහා දන්නෙ නෑනේ.. ඒත් මට වැඩි දුරක් යන්න උනේ නැත්තේ කවුරු හරි මාව අතින් ඇදලා නැවැත්තුව නිසා…

” ඔයාගෙන් කවුරු හරි නම්බරේ ඉල්ලුවොත් මේක දෙන්න.. ම්ම්.. “

මගේ අතේ දෙකට තුනට නවපු කොල කෑල්ලක් ගුලි උනා..

_________________________________________

ම්ම්.. හායි.. පරක්කු උනාට සොරි🥹❤️‍🩹

සෙට් නෑ වගේ අද කතාව🙂💔.. එහෙම නේද?? අදහසක් කියන් යන්න..

දුක හිතිලා ඉන්නෙ..😓

මතු සම්බන්දයි….